+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Олимпиада ойындары: Көрсетілім бойынша келіссөз қалай жүріп жатыр

2021 жылғы 23 шілде 00:25
Бөлісіңіз:
Олимпиада ойындары: Көрсетілім бойынша келіссөз қалай жүріп жатыр

НҰР-СҰЛТАН. ҚазАқпарат – Токио Олимпиадасын Қазақстан телеарналары арқылы тікелей эфирден көрсету мәселесі бойынша келіссөз әлі жүріп жатыр, деп хабарлайды ҚазАқпарат тілшісі.

Ұқсас жаңалықтар
Токио-2020: 1 тамыздағы қазақстандық спортшылардың жарыс кестесі Мырзағали Айтжанов: Франциялық боксшы Сәкеннің басты қарсыластарының бірі еді Ольга Рыпакова: Отбасыма көбірек көңіл бөлгім келеді

Бұл туралы Президент Әкімшілігі Басшысының бірінші орынбасары Дәурен Абаев «Ашық диалог» сұхбатында айтты.

«Дәл қазір сіз екеуміз сұхбаттасып отырған сәтте Жапонияда Олимпиада көрсетілімін ұйымдастыру құқығына ие тараппен келіссөз жүріп жатыр. Көрсетілім құқығын сатып алу мүмкіндігі әлі бар деген ойдамын. Үкімет азаматтарымыздың өз спортшыларына тікелей эфирде жанкүйер болуы үшін бәрін жасайды. Бір ғана проблема бар және ол тек бағаға байланысты. Бүгінге дейін бізге тым қымбат баға ұсынылған болатын. Оның үстіне бұл жағдай ылғи, жылдан-жылға қайталанып отыр. Қазақстанға кейбір көрші елдерге қарағанда ондаған есе қымбат баға ұсынылып келді. Мұны еліміздің экономикалық даму деңгейімен байланыстырады», - деген Дәурен Абаев соңғы келіссөз нәтижесінде көрсетілім бағасы бастапқыдан арзандай бастағанын айтты.

«Әрине, бізді халықты спорт мерекесінен айыратын болды деп айыптап жатқан шығар. Бірақ мұндағы жалғыз себеп - салық төлеушілердің ақшасын үнемдеп қалу ниеті ғана. Коммерциялық құпияға байланысты әзірге бағаны атай алмаймын. Бірақ бастапқы айтылған тарифке қарағанда түсіп келеді. Келіссөз жүріп жатыр. Жуық арада мәселе күн тәртібінен алынады деп ойлаймын», - деді Президент Әкімшілігі Басшысының бірінші орынбасары.

Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT