+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Олимпиада лицензиялары үшін айқасатын боксшылар анықталды

2020 жылғы 18 ақпан 17:04
Бөлісіңіз:
Олимпиада лицензиялары үшін айқасатын боксшылар анықталды

НҰР-СҰЛТАН. ҚазАқпарат - Бокстан ұлттық құраманың бас бапкері Ғалымбек Кенжебаев 28 ақпан күні Иорданияда өтетін Азия және Мұхит елдері үшін лицензиялық олимпиада турниріне аттанатын команда құрамын жариялады, деп хабарлайды ҚазАқпарат Қазақстан бокс федерациясының сайтына сілтеме жасап.

Турнирге қатысатын Қазақстан құрамасының мүшелері:

52 келіге дейінгі салмақ дәрежесінде - 2019 жылғы әлем чемпионатының қола жүлдегері Сәкен Бибосынов.

57 келіге дейінгі салмақ дәрежесінде - бірқатар халықаралық турнирлердің жеңімпазы Серік Теміржанов.

63 келіге дейінгі салмақ дәрежесінде – 2019 жылғы Азия чемпионатының күміс жүлдегері Закир Сафиуллин.

69 келіге дейінгі салмақ дәрежесінде - 2017 және 2019 жылғы Әлем чемпионатының қола жүлдегері Абылайхан Жүсіпов.

75 келіге дейінгі салмақта - 2017 жылғы Әлем чемпионатының күміс жүлдегері, Азияның қола жүлдегері Әбілхан Аманқұл.

81 келіге дейінгі салмақ дәрежесінде - 2019 жылғы әлем чемпионы Бекзат Нұрдәулетов.

91 келіге дейінгі салмақта - Әлем және Азия чемпионатының жүлдегері, Рио Олимпиадасының күміс жүлдегері Василий Левит.

91 келіден астам аса ауыр салмақта - Әлем және Азия чемпионатының екі дүркін күміс жүлдегері, құрама капитаны Қамшыбек Қоңқабаев.

«2020 жылғы Олимпиада ойындарына жолдама алатын жігіттердің барлығы мықты боксшылар», - деп атап өтті бас бапкер.

Айта кетсек, Иорданияның Амман қаласындағы іріктеу турнирі 3-11 наурыз аралығында өтеді. Онда Азия мен мұхит елдерінің боксшылары үшін 63 лицензия сарапқа салынады.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT