Олимпиада-2020: Іріктеу сынында Василий Левиттің бірінші қарсыласы кім болмақ

НҰР-СҰЛТАН. ҚазАқпарат – Қазақстандық боксшы Василий Левит Амманда (Иордания) өтетін олимпиадалық квалификациялық жарыстың бірінші қарсыласы кім болатынын білді. Бұл туралы ҚазАқпарат Sports.kz.-ке сілтеме жасап хабарлайды.

Жарыста 91 келіге дейінгі салмақ дәрежесінде бірінші болып шығатын Левит ширек финалдан бастап өнер көрсетеді. Оның қарсыласы – бұған дейін моңғол боксшысы Эрденебаяр Сандагсуренді жеңген Тәжікстан спортшысы Давлат Болтаев болмақ. Ширек финалдағы жекпе-жек 8 наурыз күні таңертең өтеді.

Василий Левит 2016 жылғы Олимпиаданың күміс жүлдегері, Әлем чемпионатының (2017, 2019) екі дүркін қола жүлдегері және 2009, 2015, 2017 жылдары Азияның үш дүркін чемпионы болған.