+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Оқушылардың сынып тазалау тәжірибесі қайта енгізілмек

2019 жылғы 5 қыркүйек 23:51
Бөлісіңіз:
Оқушылардың сынып тазалау тәжірибесі қайта енгізілмек

НҰР-СҰЛТАН. ҚазАқпарат – Қазақстанда мектеп оқушылары өз кабинеттерін жуып-тазалайтын тәжірибе қайта қолға алынуда, деп хабарлайды ҚазАқпарат тілшісі.

«Жапон методикасына сай балаларды тазалық мәдениетіне үйрету тәжірибесі біздің гимназияда өткен жылдан бастап қолға алынды. Жоба 7-11 сыныптар арасында жүзеге асырылуда. Біз онда балаларды тазалық пен басқа адамның еңбегін бағалап, құрметтей білуге баулимыз. Әрине, мектепте тазалық қызметкерлерінен толықтай бас тартқан жоқпыз. Таңертеңгі ауысым сабағы аяқталған соң оқушылар өз кабиенттерін тазалап, келесі ауысымға тапсырады. Шынын айтқанда, бір ғана ата-ана қарсы болды, «қызымның мектеп тазалағанын қаламаймын» деп қысқа қайырды. Біз өз кезегімізде ата-аналарға аталған шараның ерікті түрде жүргізілетінін айтып, ескерттік. Ата-аналардың көбі қолдайтындықтарын жеткізді. Бүгінде біздің мектепте 1906 оқушы білім алуда», - деді Нұр-Сұлтан қалалық №80 мектеп-гимназияның директоры Гүлмира Жәрменова.

Өз кезегінде ҚР Сыбайлас жемқорлыққа қарсы іс-қимыл агенттігі Парасаттылық департаментінің директоры Данияр Сабырбаев аталған бастамаға қатысты өз пікірін білдірді.

«Біз мектепте әр тоқсанның алғашқы күнін парасаттылық сағатына арнау туралы шешім қабылдадық. Жапонияда балаларды тазалыққа кішкентайынан баулиды. Ол дегеніміз – тазалық мәдениеті. Былтыр Ресейде өткен футболдан Әлем чемпионатында жапондық жанкүйерлер мен футболистер өз орындарын тазалап, «Ойын үшін рахмет», деп жылы ілтипат білдіргенін бәріңіз білесіздер. Бұл өте маңызды, себебі баланы кішкентайынан тазалық пен біреудің еңбегін бағалауға үйрету – тәрбие. Осындай игі істің елорда мектептерінде қолға алынып жатқаны қуантады. Алдағы уақытта еліміздің басқа өңірлері де астаналық тәжірибені үлгі етіп алады деген үміттеміз. Және өз тарапымыздан тазалық сағатын енгізу тәжірибесіне қатысты қажетті консультация беруге әрқашан дайынбыз», - деді Данияр Сабырбаев агенттікте өткен баспасөз мәслихатында.


Біздің каналымызға жазылыңыз:

Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT