+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Оқушылардың 95,4 пайызы жаңартылған мазмұнға көшті - Асхат Аймағамбетов

2019 жылғы 21 қазан 11:37
Бөлісіңіз:
Оқушылардың 95,4 пайызы жаңартылған мазмұнға көшті - Асхат Аймағамбетов

НҰР-СҰЛТАН. ҚазАқпарат – Мектеп оқушыларының 95,4 пайызы жаңартылған мазмұнға көшті. Бұл туралы Парламент Мәжілісіндегі Үкімет сағатында ҚР Білім және ғылым министрі Асхат Аймағамбетов мәлім етті, деп хабарлайды ҚазАқпарат тілшісі.

Ұқсас жаңалықтар
Қашықтан оқу форматына қарамастан оқушыларды оқулықтармен қамтамасыз етеміз - министр Онлайн оқитын студенттердің оқу ақысы арзандай ма - министр жауабы Білім министрі: Дәстүрлі оқу режиміне көшкеннен кейін мектеп формасын кию талап етілмейді

«Мектеп оқушыларының 95,4 пайызы жаңартылған мазмұнға көшті. Мұғалімдердің 94 пайызы жаңа жүйе бойынша біліктілікті арттырудан өтті. Жекелеген курстар ауылдық және шағын жинақты мектептер үшін қарастырылған», - деді министр Білім беруді және ғылымды дамытудың 2016-2019 жылдардағы бағдарламаның іске асырылуын талқылау барысында.

Ведомство мәліметіне қарағанда, 5 күндік оқу аптасы енгізілді. Білім алушылардың оқу жетістіктерін бағалаудың критериалды жүйесі қамтылды. 273 мың мұғалім (94%) жаңартылған оқыту бағдарламасы бойынша дайындықтан өтті және жаңартылған мазмұн бойынша сабақ бергені үшін үстемақы алады.

Қала және ауыл мектептері арасындағы білім сапасы бойынша алшақтықты қысқартуға ерекше назар аударылады. ОЖСБ-2019 нәтижесінде қала-ауыл алшақтығы 11-сыныпта 7,3%-ға қысқарған (2018 ж. – 11,8%).

«PIRLS-2016 зерттеуінде (бастауыш мектеп оқушыларының мәтінді оқу және түсіну сапасы) қазақстандық оқушылардың орташа балы 536-ны құрады. Бұл Қазақстанға 50 елдің ішінде 27 орын алуына мүмкіндік берді. Бұл нәтижені Германия, Канада, Австрия және Словакия Республикасындағы құрдастарының көрсеткіштерімен сәйкес келеді», - делінген министрлік ақпаратында.

Қазақстандық білім берудің негізгі ресурсы жоғары білікті педагогикалық кадрлар болып табылады. 2018 жылы күндізгі мемлекеттік жалпы білім беру мектептері мұғалімдерінің 54,5 пайызының (157 944 адам) бірінші және жоғары санаты бар. Педагогикалық корпусты жас мамандармен толықтыру 3,5 пайызды құрады.

Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT