+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Оқулықтарға қатысты сынды қабылдауымыз керек - Шолпан Каринова

2019 жылғы 17 қазан 15:47
Бөлісіңіз:
Оқулықтарға қатысты сынды қабылдауымыз керек - Шолпан Каринова

НҰР-СҰЛТАН. ҚазАқпарат - ҚР Білім және ғылым вице-министрі Шолпан Каринова мектеп оқулықтарында кеткен олқылықтарды мойындады, деп хабарлайды ҚазАқпарат тілшісі.

Ұқсас жаңалықтар
Семей мен Курчатовта көктайғаққа байланысты мектептерде сабақ тоқтатылды Асхат Аймағамбетов білім саласындағы плагиатпен күресетін жүйе туралы айтты Білім министрі жаңа әліпбиде жазылған оқулықтар қашан шығарылатынын айтты

«Оқулық мәселесіне тоқталар болсақ, ел Президенті биылғы Жолдауында оқулықтарды сынға алды. Иә, біз бүгінгі күні көріп отырмыз, сынды қабылдауымыз керек. Бірақ, айта кетерлік жағдай жаңартылған білім беру мазмұнына көшу аясында жыл сайын 3-сыныпқа арналған оқулық шығарылды. Олар әзірленді, сараптамадан өтіп, пәндік комиссияларда қаралды. Кейін басылып, мектептерге жеткізілді. Енді жаңартылған білім мазмұнына тек 10-сынып қана көшеді. Қазіргі уақытта солардың оқулықтарын әзірлеу жұмыстары жүргізіліп жатыр», - деді вице-министр Орталық коммуникациялар қызметіндегі баспасөз мәслихатында.

Оның айтуынша, жаңа оқулықтарды шығару барысында қателіктер жібермеу үшін бірнеше шара қолға алынған.

«Біріншісі - қоғамдық бағалау. Бүгінде министрлік порталына барлық оқулық ашық түрде қоғамдық бағалауға шығарылған. Оны әрбір мұғалім, кез келген азамат көріп, бағалай алады. Екіншісі - оқулықтарды пәндік комиссияларда екі рет қарастыру. Біз бүгінгі күні оқулықтың сапасын реттеуге байланысты осы пәндік комиссияға қатысатын мүшелердің білімдерін жетілдіруді қолға алмақпыз. Одан кейін сарапшылық жұмыстар жүргізетін мамандарды да оқытамыз. Шынында оқулық жасау үлкен ғылым. Сондықтан сарапшылар да, авторлар да бөлек оқытуды қажет етеді. Бүгінгі күні осы жұмысты қолға алуды жоспарлап отырмыз», - деді Ш.Каринова.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT