+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

«Оқуға құштар мектеп»: Бес жылда мектеп кітапханаларындағы әдебиет жаңартылады

2020 жылғы 30 қазан 17:05
Бөлісіңіз:
«Оқуға құштар мектеп»: Бес жылда мектеп кітапханаларындағы әдебиет жаңартылады

НҰР-СҰЛТАН. ҚазАқпарат – ҚР Білім және ғылым министрлігі «Оқулық» ғылыми-практикалық орталығының директоры Ғани Бейсембаев «Оқуға құштар мектеп» жобасын таныстырды, деп хабарлайды ҚазАқпарат тілшісі.

Ұқсас жаңалықтар
Коронавирус: Қазақстанның 3 қаласында бастауыш мектеп оқушылары толықтай қашықтан оқытылады Атырау облысында 10 мектеп пен 15 балабақша салынып жатыр Жүз шақты мектепті өзім барып тексердім – Сапарбаев дәретханаларға камера орнату жайлы

«Бүгінде біздің зерттеу бойынша, жалпы мектеп кітапханалары қорында 200 млн астам әдебиет бар. Оның ішінде 38 млн – көркем әдебиеттер мен мерзімді басылымдар тізімі. Дей тұрғанмен, бұл басылымдар сапасына мән берер болсақ, 80-90 жылдардың аяғында шыққан көркем әдебиеттер, оның 20-30 пайызы жарамсыз екені анықталып отыр. Соған байланысты шұғыл түрде мектеп кітапханаларын көркем әдебиетпен толықтыру мәселесі арнайы жол картасында көрсетіліп отыр», - деді Ғ. Бейсембаев Орталық коммуникациялар қызметінде өткен брифингте.

Оның айтуынша, жобаны жүзеге асыруға бес жыл уақыт қажет. Бес жылда барлық мектеп кітапханаларын көркем әдебиетпен толықтыру көзделген.

«Әр жыл сайын мектеп кітапханалары 20 пайызға көркем әдебиетпен толығып отырады. Бұл толықтыру тізімі төрт бағытта жобаланып, белгіленіп отырады, оның ішінде бірінші кезекте отандық классиктердің үздік туындылары, екіншіден қазақ тіліне аударылған әлем әдебиетінің тізімі және заманауи ақын-жазушылардың үздік шығармалары енеді. Сондай-ақ, түрлі анықтамалықтар, ғылыми-көпшілік басылымдар мен оқу-әдістемелік құралдармен жасақталады. Әдебиеттер тізімін бекіту бес түрлі іріктеуден өтеді. Ең соңғы тізімді бекіту процесі арнайы жасақталған комиссия арқылы іске асырылады. Бұл комиссия осы мектепке кіретін бес мыңға жуық атауы бар көркем әдебиет тізімін қалыптастырады», - деп түсіндірді Ғ. Бейсембаев.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT