+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

ОҚО-ның 30 кәсіпкері тігін өндірісінде оқудан өтті

2014 жылғы 18 қараша 08:30
Бөлісіңіз:
ОҚО-ның 30 кәсіпкері тігін өндірісінде оқудан өтті

ШЫМКЕНТ. ҚазАқпарат - Оңтүстік Қазақстан облысының 30 кәсіпкері тігін өндірісінде оқытудан өтті.

«Шымкент-инновация» баспасөз қызметінен хабарлағандай, тігін өндірісінің қыр-сырын меңгеруге 100 адам ниет білдірді, соның ішінде 30-ы оқытылды. «Қалғандары жылдың соңына дейін оқытылып, сондан кейін өз ісін бастай алады», - деп хабарлады баспасөз қызметінен.

Оқыту кезінде кәсіпкерлер өндірістің толық кезеңімен танысып өтті. Олар мұнда алған білімдерінің баға жеткісіз екеніне сенімді. Мұндай шеберлік сабақтарының қажет екенін оқыту алаңы болған «Гаухар» фабрикасында да мойындайды. Сабақтар ОҚО-ның тоқыма-тігін кластерінің қажеттіліктерін кадрлармен қамтамасыз етуге көмектесетіні, отандық өндірушіні қолдайтыны сөзсіз. «Гаухар» фабрикасы мен кәсіпкерлер мектебі ынтымақтастық туралы меморандумға қол қойды. Тараптар бұл келісім аймақтағы тігін өндірісінің дамуына септігін тигізіп, сондай-ақ бұл саладағы мамандардың санын көбейтетініне сенімді.

Баспасөз қызметінен ағымдағы жылы кәсіпкерлер мектебі арқылы оқытудан 2782 адам өткенін хабаралды. Оларға кәсіпкерлік қызметтің негіздері түсіндіріліп, бизнес-жоспарларды құру, бухгалтерлік есепті жүргізу үйретілген. Тыңдаушылардың тәжірибеден қызмет етіп жүрген кәсіпорындарда өтіп жүргені де ерекше мәнге ие.

Біздің каналымызға жазылыңыз:

Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT