ОҚО: Дауылдың салдарынан бүлінген ғимараттар жөнделуде

None
None
АСТАНА. 15 маусым. ҚазАқпарат - 14 маусым күні сағат 15.00 шамасында Оңтүстік Қазақстан облысы Қазығұрт ауданы, Жаңабазар ауылында қатты тұрған дауылдың салдарынан 32 тұрғын үйдің, 49 сарайдың, 1 дүкеннің, 1 техникалық қызмет көрсету стансасының шатырлары зақымданған. Бұл туралы Қазығұрт аудандық төтенше жағдайлар бөлімінің қызметкерлеріне сілтеме жасап, облыс әкімдігінің баспасөз қызметі хабарлады.

Бүгінде аталған ауылда келтірілген залалдың мөлшерін анықтау мақсатында арнайы комиссия құрылып, қалпына келтіру жұмыстары жүргізілуде. Ол үшін 613 шатыр жабынғысы, 300 метрдей рейка ағаштары жеткізіліп, 6 арнайы мамандандырылған топ жұмылдырылды. Қазығұрт ауданының әкімі Болатбек Қыстауов ауылдағы жағдайды өз көзімен көріп, желдің салдарынан шатырлары зақымданған барлық отбасыларға көмек көрсетіліп, жағдайлар жасалатынын жеткізді.

Жылдамдығы 19 м/с болған желдің салдарынан ауылдағы әлеуметтік нысандар мен ауыл тұрғындары зардап шекпеген. Орын алған оқиға төтенше жағдайлардың қауіп-қатері, туындауы немесе жою кезінде ақпарат ұсыну тәртібі туралы №137 ережесіне сәйкес Төтенше жағдайлар критерийіне жатпайды. Қазір залалды қалпына келтіру жұмыстары жүріп жатыр.

Соңғы жаңалықтар