+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

ОҚО-да жылыту маусымы басталғалы бері 33 адам уланып қалған

2017 жылғы 10 қараша 13:55
Бөлісіңіз:
ОҚО-да жылыту маусымы басталғалы бері 33 адам уланып қалған

ШЫМКЕНТ. ҚазАқпарат - Оңтүстік Қазақстан облысында жылыту маусымы басталғалы бері 33 адам уланып, 14 адам қаза тапты, деп хабарлайды ҚазАқпарат тілшісі.

Сала мамандарының сөзінше, уланып қалу жағдайларының басым көпшілігінде тұрғындар үйдегі жылыту құралын заңсыз қосып, талапқа сай тексеруден өткізбеген. Мәселен, Шымкент қаласының іргесіндегі «Қарабастау» ауылында үй иелері баспаналарын табиғи газды шлангі арқылы кіргізіп, жылытып отыр. Ал, кейбір үйлерде жұрт жуан құбыр ішінен байқатпай, жылу желісін орнатып алыпты. Қауіпсіздік талабына сай келмейтін мұндай айла-амалдар жаңа салынған үйлерде көп кездеседі екен. Өңірде көгілдір отынды тұтынатын 300 мыңнан аса абонент болса, соның 2 мыңға жуығы газды заңсыз пайдаланып отыр екен.

«Біздің облыста 100 шақты мердігер газ тартумен айналысады. Ондағы мамандардың тәжірибесіздігінен немесе кейбір айлакер іс-әрекетке барып, халықтан ақша жиып, газ қосып беретін жағдайлар бар», - дейді «ҚазақТрансГаз» АҚ өндірістік аймағының техникалық бөлім басшысы Жеңіс Қуанышбеков.

Мамандар, сондай-ақ, кейбір пәтерлерде су құбыры дұрыс орнатылмай, сыртқа шығарылуы тиіс улы түтін үй ішіне тарап кететінін айтады.

«Көбіне жер үйлерде көп болады. Өйткені, оларда автономды жылыту жүйелері жүргізілген. Көмірмен жылытады. Құбыр тазаланбайды. Моншаға түскенде қатты отынды мөлшерден көп пайдаланып, улану фактілері болады», - дейді Шымкент қалалық Төтенше жағдайлар қызметі басқармасының инженері Нұржан Перназаров.

Сондықтан газ саласының мамандары мен төтенше жағдай қызметі бірлесіп, тұрғын үйлерге рейдтік шаралар өткізіп жатыр.

Біздің каналымызға жазылыңыз:

Бөлісіңіз:

Автор:

Айнұр Ақбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT