+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

«Охотзоопром» кәсіпорнына жаңа басшы келді

2019 жылғы 14 қараша 14:37
Бөлісіңіз:
«Охотзоопром» кәсіпорнына жаңа басшы келді

НҰР-СҰЛТАН. ҚазАқпарат – Экология, геология және табиғи ресурстар министрлігінің бұйрығымен «Охотзоопром» ӨБ» республикалық мемлекеттiк қазыналық кәсіпорнының басшылығына Марлен Айнабеков тағайындалды, деп деп хабарлайды ҚазАқпарат тілшісі.

Ұқсас жаңалықтар
Сәкен Сәрсенов ҚР Ішкі істер министрінің орынбасары қызметіне тағайындалды ҚР АҚДМ Жастар және отбасы істері комитетіне жаңа басшы тағайындалды ҚР Қаржы министрлігінің Қазынашылық комитетінің төрағасы тағайындалды

Марлен Айнабеков бұған дейін министрліктің Орман шаруашылығы және жануарлар дүниесі комитеті төрағасының орынбасары қызметін атқарып келген. Осы салада зор тәжірибесі бар.

«Инспекторлардың қаза болуына байланысты соңғы оқиғаларды ескере отырып, министрлік басшылығы жаңа басшыға инспекторлардың қауіпсіздігін қамтамасыз етуге ерекше назар аударуды тапсырды. Қазақстан Президенті Қасым-Жомарт Тоқаев заңсыз аң аулағаны үшін жауапкершілікті күшейту жөнінде тапсырма берді. Бұл мәселе бойынша Қазақстан Республикасының агроөнеркәсіптік кешенді реттеу мәселелері бойынша 28 қазандағы заңы аясында браконьерлік үшін жауапкершілікті күшейту бойынша өзгерістер мен толықтырулар енгізілді», - деп хабарлайды министрліктен.

Заң бойынша өсімдіктер мен жануарлар дүниесін қорғау жөніндегі инспекторларға браконьерлерді ұстауға, жеткізуге, шетелдік немесе азаматтығы жоқ адамды Қазақстан Республикасынан тыс жерлерге шығарып жіберуге және браконьерлік мақсатта пайдаланылған мүлікті тәркілеу бойынша өкілеттіктер беріледі. Браконьерліктен бөлек, инспекторға бағынбауға, оған зорлық-зомбылық пен өміріне қауіп төндіргені үшін қылмыстық жауапкершілік күшейтілген.

«Браконьерлермен күресті күшейту мақсатында «Охотзоопром» ӨБ» РМҚК-да материалдық-техникалық базаны жаңарту бойынша жүйелі жұмыс жүргізілуде. Ал жануарлар мен өсімдіктер әлемін мемлекеттік қорғау қызметкерлерінің біліктілігін арттыру үшін Ішкі істер министрлігі инспекторларға арналған арнайы оқу бағдарламасын әзірледі. Сонымен қатар, инспекторлардың автокөліктері арнайы дыбыс қаққыштармен, дауыс зорайтқыш құрылғылармен және жасыл түсті графикалық белгілермен қамтамасыз етіледі. Сондай-ақ, табиғат қорғау қызметтерінің материалдық – техникалық базасын жақсарту мақсатында браконьерлікке қарсы күрес үшін қазіргі заманғы технологиялар мен құралдарды (ҰҰА, дрондар, төс камералары, арнайы техника, электрошокерлер, травматикалық қару, жеке қорғану құралдары және т.б.) енгізуді көздейтін жаңа нормативтер әзірленді», - делінген хабарламада.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT