Нығматулин: Ұлтаралық келісімнің қазақстандық моделі өзге елдерге үлгі бола алады

None
None
НҰР-СҰЛТАН. ҚазАқпарат - Бүгін Мәжіліс Төрағасы Нұрлан Нығматулин ЕҚЫҰ-ның аз ұлттар істері жөніндегі жоғарғы комиссары Ламберто Заньермен кездесті, деп хабарлайды ҚазАқпарат төменгі төменгі палатаның баспасөз қызметіне сілтеме жасап.

Тараптар екіжақты қарым-қатынасты нығайтудың өзекті мәселелерін талқылады.

Н. Нығматулин мен Л. Заньер әсіресе, Ұлтаралық келісімнің бірегей қазақстандық моделі және біздің еліміздің тәжірибесін әлемдік деңгейде пайдаланудың мүмкіндіктері туралы салмақты ойларын ортаға салды.

Мәжіліс Төрағасының пікірінше, бүгінде қазақстандық қоғамның ұлтаралық келісімі мен бірлігі еліміздің тұрақтылығы мен дамуының негізі болып саналады.

Тәуелсіздіктің алғашқы жылдарында Қазақстанның Тұңғыш Президенті Нұрсұлтан Назарбаевтың бастамасымен құрылған Қазақстан халқы Ассамблеясы бүгінде теңдесі жоқ бірегей институтқа айналды. Қазіргі уақытта Қазақстанда 100-ден астам этнос пен 18 діни конфессия өкілдері тату-тәтті тұрып жатыр.

Палата спикері Қазақстан ЕҚЫҰ және оның институттарымен ынтымақтастықты нығайтуға зор көңіл бөлетінін айтты.

Соның ішінде, этномәдени бірлестіктердің ақпараттық-коммуникациялық бағытын дамытудың маңызы зор.

Өз кезегінде Л. Заньер Қазақстанның этносаралық моделі басқаларға үлгі бола алатындығын, алдағы уақытта Қазақстанның тұрақтылық пен бірлік жолындағы табыстары мен бай тәжірибесін есепке ала отырып, бірлесе іс-қимыл жасау қажеттігіне тоқталды. Сондай-ақ «Достық үйінде» болып, әртүрлі ұлт өкілдерімен кездескенін оларға жасалған жағдай мен мүмкіндіктер, мәдениет пен тарихи үндестік қызығушылық тудыратынын жеткізді.

Тараптар өзара сындарлы іс-қимыл ЕҚЫҰ кеңістігінде қауіпсіздік мәселелеріне серпін беретініне сенімді.



Соңғы жаңалықтар