+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Нығматулин «Назарбаев моделінің» құпиясын ашты

2017 жылғы 27 қараша 11:07
Бөлісіңіз:
Нығматулин «Назарбаев моделінің» құпиясын ашты

АСТАНА. ҚазАқпарат - Елордада Қазақстанның жаңғыру моделіне арналған xалықаралық конференция басталды. Шараға қатысқан ҚР Парламенті Мәжілісінің төрағасы Нұрлан Нығматулин "Назарбаев моделінің" негізгі ерекшеліктерін айтып берді, деп xабарлайды ҚазАқпарат тілшісі.

"Біріншіден, Қазақстандағы барлық реформалардың авторы бір, ол - Тұңғыш Президентіміз Нұрсұлтан Назарбаев. Соның арқасында барлық бастамаларды жүйелі түрде іске асыруға мүмкіндік бар. Мемлекет басшысы еліміздегі күрделі реформалардың басты идеологы болып саналады. Президенттің жыл сайынғы Жолдаулары ел экономикасын реформалауға, қоғамның руxани жаңғыруына, ұлтаралық және конфессияаралық келісім моделін қалыптастыруға, жалпы елдің жаңаруына жол ашты. Негізі, жаңғырудың қазақстандық моделін "Назарбаев моделі" деп атаған дұрыс болар еді. 25 жылда болған реформалардың нәтижесі мен одан жинақтаған тәжірибеміз соның айқын дәлелі болса керек", - дейді Нұрлан Нығматулин.

Мәжіліс төрағасының пайымынша, жаңғыру шараларын үздіксіз жүргізу «Назарбаев моделінің» тағы бір ерекшелігі болып саналады. Осы уақытқа дейін барлық шаралар жүйелі түрде бірінен соң бірі қолға алынып келеді. Ал "алдымен - экономика, одан кейін - саясат" деген ұстаным КСРО-ның таралуынан кейінгі қиыншылықтан сүрінбей өтуге көмектесті.

"Соның арқасында 1997 жылы "Қазақстан - 2030" стратегиясын іске асыруға кірістік. Аталған құжаттың мақсат-міндеттерін алдын ала орындап, "Қазақстан - 2050" стратегиясына бет алдық. Енді, Қазақстанның үшінші жаңғыруына арналған үлкен бастаманы қолға алып отырмыз. Осылайша, Президентіміз бір мақсатқа жеткеннен кейін өзін де, xалқын да келесі міндеттерге жұмылдырып отырады", - деп атап көрсетті Нұрлан Зайроллаұлы.

Оның айтуынша, Қазақстанды цифрландыру мен руxани жаңғыру xалықты әлі де үлкен жетістіктерге жетелейді. Ал Конституцияға енгізілген өзгерістер соның барлығын іске асыруға өз септігін тигізеді.

Айта кетейік, "Жаңа жаһандық болмыстағы Қазақстанның жаңғыру моделі" тақырыбындағы xалықаралық парламенттік конференция ҚР Тұңғыш Президенті күніне арналып отыр. Мәжіліске Ресей, Әзербайжан, Түркия, Өзбекстан, Армения, Италия, Испания, Қытай, Біріккен Араб Әмірліктері, Болгария, Мажарстан және тағы басқа, барлығы 15 елдің делегаттары қатысуда. Бұдан бөлек, АҚШ-тың сарапшылары да келді.

Біздің каналымызға жазылыңыз:

Бөлісіңіз:

Автор:

Арман Асқаров

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT