USD 434.24 EUR 492.69
RUB 5.67 CNY 68.46
Jańalyqtar

Нығматулин: Мәжілісмендер қарыздық еңбек саласындағы құқық қорғау бойынша түзетулер ұсынды

2020 жылғы 9 қазан 12:00
Бөлісіңіз:
Нығматулин: Мәжілісмендер қарыздық еңбек саласындағы құқық қорғау бойынша түзетулер ұсынды

НҰР-СҰЛТАН. ҚазАқпарат - Бүгін Мәжіліс спикері Нұрлан Нығматулиннің төрағалығымен Палата бюросы өтіп, онда алдағы жалпы отырыстың күн тәртібі нақтыланды, деп хабарлайды ҚазАқпарат төменгі палатаның басапсөз қызметіне сілтеме жасап.

Ұқсас жаңалықтар
Сенат депутаттары тәртіпсіздіктер кезінде көз жұмған бейбіт тұрғындардың жақындарына көңіл айтты Үкіметпен бірлесіп жұмыстарды жоғары деңгейде жүзеге асыруымыз керек - Нұрлан Нығматулин

Мәжіліс бірінші оқылымда депутаттардың бастамасымен әзірленген қарыздық еңбекті реттеу мәселелеріне қатысты заң жобасын қарайды.

Құжат қарыздық еңбек саласын құқықтық реттеудің болмауына байланысты және соның салдарынан қауіпсіздік пен гигиена талаптарына сай келетін қазақстандық азаматтардың еңбек үшін қандай да бір кемсітусіз сыйақы алу мақсатында әзірленген. Сондай-ақ, жұмыссыздықтан әлеуметтік қорғалуға конституциялық құқықтарының жаппай бұзылуына әкеп соғатын проблемалық мәселелерді шешуге бағытталған.

Сонымен қатар, алдағы жалпы отырысқа Палата Еуразиялық патент конвенциясына Өнеркәсіптік үлгілерді қорғау туралы хаттаманы ратификациялау туралы заң жобасы ұсынылады.

Күн тәртібінің жобасында Қылмыстық және Қылмыстық-процестік кодекстеріне қылмыстық процесте азаматтардың құқықтарын қорғауды күшейту және аудандық, қалалық және ауылдық билік деңгейлерінің дербестігі мен жауапкершілігін кеңейтуге қатысты, сондай-ақ энергия үнемдеу және энергия тиімділігін арттыру мен бюджет заңнамасын жетілдіру бойынша заңнамалық түзетулерді жұмысқа алатын болады.

Сонымен бірге, Палатаның бейінді комитеттері бірқатар ратификациялық құжаттарды қорытынды әзiрлеу үшiн жұмысқа алуды көздейді. Атап айтқанда, Қазақстан мен Азия Даму Банкі арасындағы Қарыз туралы келісімді (Жай операциялар) (COVID-19-ға қарсы күрес жөніндегі белсенді шаралар мен шығыстарды қолдау бағдарламасы) және Еуразиялық экономикалық одақтың тауар белгілері, қызмет көрсету белгілері және тауарлар шығарылған жерлердің атаулары туралы шартты ратификациялау туралы және Қазақстан мен Әзербайжан арасындағы Азаматтардың өзара визасыз жол жүрулері туралы келісімге өзгерістер енгізу туралы хаттаманы ратификациялау туралы заң жобалары бар.


Біздің каналымызға жазылыңыз:

Бөлісіңіз:

Автор:

Гүлзат Ақжолова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT