+7 (701) 759 90 19
USD 380.84 EUR 419.50
RUB 6.05 CNY 54.90
Jańalyqtar

Нұрсұлтан Жаңабаев WBA Intercontinental белбеуін иеленді

2019 жылғы 24 наурыз 23:03
Бөлісіңіз:
Нұрсұлтан Жаңабаев WBA Intercontinental белбеуін иеленді

АСТАНА. ҚазАқпарат - Almaty Arena спорт кешенінде өтіп жатқан бокс кешінде Қазақстан боксшысы Нұрсұлтан Жаңабаев WBA Intercontinental белбеуін жеңіп алды, деп хабарлайды ҚазАқпарат тілшісі.

Нұрсұлтанға қарсы шыққан венесуэлалық 25 жастағы Иван Матуте кәсіпқой бокста тәжірибесі мол спортшы саналады. Ол бұған дейін 29 кездесу өткізіп, оның 28-інде жеңіске жетсе, 23-і нокаутпен аяқталған. Бір рет қана жеңілістің ащы дәмін татқан.

Алматы төрінде өтіп жатқан шаршы алаңдағы кездесу барынша тартысты өтті. Алғашқы раундтан-ақ боксшылар бір-бірінен тайсалмай, ашық ұрысқа кірісіп кетті. Дегенмен, Нұрсұлтанның соққылары венесуэлалыққа қарағанда діттеген жеріне дөп тиіп жатты. Екінші раунд та қарқынды басталды. Қазақстандық боксшы асқан жылдамдықпен соққылар жұмсап, Иванды бұрыштан-бұрышқа тықсыра жүріп, ауыр соққылардың астында алды. Тіпті, соңғы сәттерде соғылған гонг венесуэлалықты естен танып құлаудан әзер аман алып қалғандай көрінген еді. Шынымен де, екінші раундтан кейін венесуэлалық жекпе-жекті одан ары жалғастырудан бас тартты. Осылайша Нұрсұлтан Жаңабаев WBA Intercontinental белбеуін жеңіп алды.

Айта кетейік, осы жылдың басында бірінші орта салмақтағы қазақстандық боксшы Нұрсұлтан Жаңабаев (6-0, 4 КО) Бүкіләлемдік бокс кеңесі (WBC) рейтингінің жаңартылған нұсқасына енді. WBC рейтингіндегі өз дивизионында қазақстандық 39-позицияға орналасты. Боксшымыздың ұйым рейтингіне кіруіне желтоқсанда филиппиндік боксшы, атақты отандасы Мэнни Пакьяоның спарринг-әріптесі Арнел Тинампайдан (25-23-1, 11 КО) басым түсуі себеп болды. Онда Жаңабаев он раундтың қорытындысы бойынша қарсыласын жеңіп, WBA Asia чемпионы титулын еншілеген еді. Нұрсұлтан Жаңабаев 2016 жылдың қазан айында профи-рингке алғаш рет шықты. Содан бері алты рет айқасып, оның төртеуін нокаутпен аяқтады.

Біздің каналымызға жазылыңыз:

Басты сөздер: Спорт, Бокс,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT