+7 (701) 759 90 19 Лента
USD 385.42 EUR 424.58
RUB 6.00 CNY 54.31
Jańalyqtar

Нұрсұлтан Назарбаев: Зиялы қауымды рухани мәселелерді шешуге жұмылдыру керек

2019 жылғы 21 тамыз 12:40
Бөлісіңіз:
Нұрсұлтан Назарбаев: Зиялы қауымды рухани мәселелерді шешуге жұмылдыру керек

НҰР-СҰЛТАН. ҚазАқпарат – Зиялы қауымды рухани мәселелерді шешуге жұмылдыру керек. ҚР Тұңғыш Президенті – Елбасы Нұрсұлтан Назарбаев осылай деді, деп хабарлайды ҚазАқпарат тілшісі.

Ұқсас жаңалықтар
Нұрсұлтан Назарбаев пен Владимир Путин алдағы кездесулердің кестесін талқылады Нұрсұлтан Назарбаев Алматы әкімін қабылдады Нұрсұлтан Назарбаевтың шахтерлар алдында сөйлеген архивтік видеосы жарияланды

«Халықпен нақты жұмыс жүргізу қағидатын жолға қою керек. Сайлаушылардың мүддесіне сай келетін бағдарламаларды қолға алу қажет. Бұл – әлемдік тәжірибе. Ал бізде қалай? Қазіргі таңда партия 24 жобамен, 200-ге жуық түрлі есеп берумен айналысып келеді. Оның барлығы – Үкіметтің жұмысы, партиянікі емес. Қаржыны, материалдық ресурстарды сол үшін рәсуа етеді. Сондықтан, партияның барлық жобаларын қайта қарау керек. Олар нақты әлеуметтік топтарға арналуы тиіс. Мемлекеттік органдардың жұмысын қайталамау керек. Партияның жұмысы басқа», - деді Елбасы «Nur Otan» партиясы Саяси кеңесінің кеңейтілген отырысында.

Нұрсұлтан Назарбаев өз сөзінде партияның өзінде сәтті жобалары барын, олардың қатарында «Ардагерлерді ардақтайық» секілді жақсы жобалар барын тілге тиек етті.

«Көпбалалы аналар үшін «Бақытты отбасы» деген орталықтар ашылуда. Көбейтіп, солардың жұмысын жүргізу керек. Осындай тәжірибелерді жаппай енгізген жөн. Мәселен, «Мирас» қоғамдық кеңесінің әлеуетін пайдаланып, зиялы қауымды рухани мәселелерді шешуге жұмылдыру керек. Зиялы қауым дегеніміз отырып алып, мен жазушымын немесе композитормын деп, тек сынауменен ғана болу керек пе? Зиялы қауым – халықтың алдында жүретін, жол көрсететін бастаушысы болуы керек», - деді ол.

Өз сөзінде Нұрсұлтан Назарбаев «Рухани жаңғыру», «Ұлы даланың жеті қыры» мақалаларын еске алды.

«Сондықтан, зиялы қауыммен бірге жұмыс жүргізу керек», - деді ол.

Айта кетсек, елордада ҚР Тұңғыш Президенті – Елбасы Нұрсұлтан Назарбаевтың төрағалығымен «Nur Otan» партиясы Саяси кеңесінің кеңейтілген отырысы өтіп жатыр.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT