+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Нұрсұлтан Назарбаев жапон императорының таққа отыру рәсіміне қатысуда

2019 жылғы 22 қазан 10:17
Бөлісіңіз:
Нұрсұлтан Назарбаев жапон императорының таққа отыру рәсіміне қатысуда

ТОКИО. ҚазАқпарат - Қазақстанның Тұңғыш Президенті - Елбасы Нұрсұлтан Назарбаев Жапонияның императоры Нарухитоның таққа отыруына арналған ресми шараға қатысуда.

Ұқсас жаңалықтар
Елбасының Жапонияға сапары бойынша бейнеролик жарияланды Нұрсұлтан Назарбаев: Үкімет пен «Nur Otan» фракциясы азаматтардың проблемаларын бірлесіп шешуі керек Елбасы Қырғыз Республикасының Президенті Сооронбай Жээнбековпен кездесті

Елбасын салтанатты рәсімге Жапония Премьер-Министрі Синдзо Абэ арнайы шақырған болатын, деп хабарлайды ҚазАқпарат тілшісі.

177 елдің делегациясы қатысып жатқан салтанатты шара Император сарайының «Matsu-no-Ma» мемлекеттік залында өтуде. Залға алдымен император Нарухито кіріп, таққа отырды. Іле-шала оның жұбайы патшайым Масако залға өтіп орнына жайғасқаннан кейін мәртебелі меймандар орындарынан тұрып, императорға құрмет көрсетті.

Қазіргі уақытта император Нарухито халқына және барша әлемге өзінің таққа отырғандығын жариялауда. Жолдау аяқталғаннан кейін жапон халқы атынан сөз сөйлейтін Жапония Премьер-Министрі Синдзо Абэ: «Го-сокуи о сюку-ситэ тэнно хэйка бандзай!» (Таққа отыру құрметіне орай, Ұлы мәртебелі император жасасын!) деп құттықтамақ.

Салтанатты рәсімге Нарухито тек императорға ғана арналған «gosokutai» деп аталатын дәстүрлі киім киіп келген. Оң қолына ұлылық нышаны саналатын «onshaku» (ағаш асатаяқ) ұстаған. Императордың таққа отыру салтанатының ұлылығын қылыш, садақ, қорамса, айбалта және қалқаннан тұратын салтанатты заттар білдіреді.

Жалпы император Нарухитоның таққа отыруына арналған салтанатты шараға Швеция, Есватини, Лесото, Камбоджа, Бутан, Тонго, Нидерланды, Испания, Бельгия, Малайзия корольдері, Түрікменстан, Қырғызстан, Того, Нигер, Финляндия, Венгрия, Кения, Бангладеш сынды елдердің Президенттері келген.

Естеріңізге сала кетейік, Жапония үкіметі 2019 жылдың 1 мамырында жаңа империялық кезеңнің басталғанын жариялады. Бұл кезең «Рейв» дәуірі деп аталады - бұл атау қазақ тілінде аударғанда «тәртіп», «үйлесім» және «гүлденген әлем» деген мағына береді. Қазіргі «Хэйсэй» деп аталатын дәуірдің атауы қытай әдебиетінен алынған болатын, ол «әлем жетістігі» деген мағына береді. Ол дәуір 1989 жылдың қаңтарында, Хирохито император қайтыс болған кезде басталған еді. Оның ұлы Акихито Жапонияның 125-ші императоры ретінде 30 жылға жуық уақыт билік құрды. Сөйтіп өз еркімен тақтан бас тартты. Ол бұл шешімін жасының ұлғайғанымен түсіндірді. Ханзада Нарухито таққа 1 мамыр күні отырды.

1989 жылдың 7 қаңтарында Жапонияның мұрагер ханзадасы ретінде ресми жарияланған Нарухитоның бірқатар ұлттық және шетелдік наградасы, сонымен қатар Оксфорд университетінің докторы сынды құрметті атақтары бар. Ол су экожүйесінің проблемаларына айрықша назар аударып, су ресурстары мен санитария проблемаларына арналған халықаралық ғылыми форумдарда жиі баяндама жасаған. Жапондардың ортағасырлық поэтикалық жанры «вака» дәстүрлі поэзиясымен әуестеніп, альт аспабында ойнайды.



Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT