+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Нұрсұлтан Назарбаев түркістандықтармен кездесті

2019 жылғы 4 қараша 19:34
Бөлісіңіз:
Нұрсұлтан Назарбаев түркістандықтармен кездесті

ТҮРКІСТАН. ҚазАқпарат – Түркістан қаласына жұмыс сапарымен келген Елбасы Нұрсұлтан Назарбаев қала жұртшылығымен кездесті. Орталық алаңда өткен мәдени шараға қатысқан Қазақстан Республикасының Тұңғыш Президенті қаланың алдағы уақытта көркейіп, дами беретінін атап өтті, деп хабарлайды ҚазАқпарат тілшісі.

Ұқсас жаңалықтар

«Түркістанға облыс орталығы мәртебесін беру тәуелсіздік алған бірінші күннен бастап есте болған. Мұны менен бұрынғы өмірден өтіп кеткен ел ағалары да есінде ұстаған. Өткен ғасырдың өзінде Түркістан Республикасын құрамыз, Түркістан бюросы деп осы жерде көп шаруа атқарылды. Ал, енді тарихқа үңілетін болсақ, бұл - қасиетті өңір. Жиырма бір ханымыз жерленген, сұлтандарымыз бен әулиелер мәңгілік тыныштық тапқан өте киелі орын. Міне, бүгін Түркістан қаласын облыс орталығы етіп, қайтадан жандандырып, елімізге осы киелі орданы қайтару мүмкіншілігі қолымызға тиді. Бұл қаланың бүкіл Түркі дүниесінің орталығы екені бәрімізге белгілі. Оңтүстіктегі ағайындар мен Өзбекстан, Қырғызстан, Түрікменстан қуанып жатыр. Олар да атсалысып, бізге көмектеседі деп сенемін», - деді Нұрсұлтан Назарбаев.

Елбасы сондай-ақ, Түркістан шаһарының алдағы уақытта ірі мегаполиске айналатынына сенім білдірді.

«Осыдан бірнеше жыл бұрын Түркістанның 1500 жылдығын атап өтеміз деп біраз шаруаны атқарған едік. Сонда осы алаңда кездесіп, сөйлескенбіз. Сол кезде Түркістан орталық болады деп айтқанмын. Мінекей, былтыр Түркістан облыс орталығы болады деген жарлыққа қол қойдым. Елімізде Алматы, Нұр-Сұлтан және Шымкент - бір миллион тұрғыны бар қалалар қатарында. Болашақта осындай үлкен қалаларда экономика, мәдениет - барлығы өсіп-өркендей береді. Алдағы уақытта миллион тұрғыны бар қалалар саны тағы артады», - деді Нұрсұлтан Назарбаев.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT