17:41, 23 Мамыр 2018 | GMT +6
Нұрсұлтан Назарбаев РФ Қорғаныс министрі Сергей Шойгумен кездесті
АСТАНА. ҚазАқпарат - Нұрсұлтан Назарбаев Ресей Федерациясының Қорғаныс министрі Сергей Шойгумен кездесті, деп хабарлайды Ақорданың баспасөз қызметі.
Кездесу барысында тараптар қорғаныс саласындағы ынтымақтастықтың және Ұжымдық қауіпсіздік шарт ұйымы аясындағы өзара іс-қимылдың өзекті мәселелерін талқылады.
Нұрсұлтан Назарбаев пен Сергей Шойгу «KADEX-2018» халықаралық көрмесінің маңыздылығына тоқталып, екі елдің қорғаныс өнеркәсібі саласындағы мемлекетаралық байланыстарын нығайту үшін бұл шараның тиімділігін атап өтті.