Нұрсұлтан Назарбаев Өзбекстан Президенті Шавкат Мирзиёевпен кездесті

ТҮРКІСТАН. ҚазАқпарат – ҚР Тұңғыш Президенті Нұрсұлтан Назарбаев Өзбекстан Республикасының Президенті Шавкат Мирзиёевпен кездесті, деп хабарлайды ҚазАқпарат.

«Кездесуде Елбасы мен Өзбекстан Президенті екі ел қатынастарының қазіргі жағдайы мен даму перспективалары, ұлтаралық келісімді нығайту жөнінде пікір алмасты.

Сонымен қатар тараптар Түркі кеңесі аясындағы интеграция мәселелерін талқылады», - делінген Елбасының ресми сайтында.