+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Нұрсұлтан Назарбаев «DP World» компаниясының басшысымен кездесті

2018 жылғы 11 тамыз 15:00
Бөлісіңіз:
Нұрсұлтан Назарбаев «DP World» компаниясының басшысымен кездесті

АҚТАУ. ҚазАқпарат - Қазақстан Президенті «DP World» компаниясының басқарма төрағасы Сұлтан Ахмед бин Сулайеммен кездесті, деп хабарлайды ҚазАқпарат Ақордаға сілтеме жасап.

Кездесу барысында Мемлекет басшысы «DP World» компаниясының жүк тасымалы мен логистика саласындағы жетістіктерін атап өтті.

«Сіздер әлемдегі 78 терминалды басқарып, 6 құрлықтағы 42 елмен жұмыс істейсіздер. Біз үшін сіздердің мол тәжірибелеріңіз аса маңызды, сіздермен бірлесіп жұмыс істеуге дайынбыз», - деді Нұрсұлтан Назарбаев.

Қазақстан Президенті инвестиция тарту үшін жасалып жатқан еліміздегі жағдайға ерекше тоқталып, Құрық порты еркін экономикалық аймағының басымдықтары жөнінде айтты.

«Біз жаңа жол салдық, Алашанькоу мен Қорғас арқылы өтетін екі жол тартылды. Осылайша, біз Шығыс Қытай провинциясынан Қазақстан, Орталық Азия, Ресей, Парсы шығанағы, Қара және Жерорта теңіздері арқылы Еуропаға жүк тасымалдау көлемін толық қамтамасыз етіп отырмыз», - деді Нұрсұлтан Назарбаев.

Компания жетекшісі Мемлекет басшысын Құрық порты мультимодальды терминалының іске қосылуымен құттықтап, Қазақстанда трансұлттық тасымалдаушылардың жұмыс істеуіне қолайлы жағдай жасалғаны үшін алғыс білдірді.

- Мен Сіздің сіңірген еңбегіңізді тағы да жоғары бағалағым келеді. Бұл жобаның жүзеге асырылуы, шындығында, ғажайып іс. Себебі инфрақұрылымға қаржы салмай, Қазақстанда ғана емес, сондай-ақ осы өңірде экономикалық тұрғыдан жетістікке жету мүмкін емес. Біз өз тұтынушыларымыздың мақсаттары мен қажеттіліктері үшін Ақтау портының жұмысына мүдделі болып отырмыз», - деді Сұлтан Ахмед бин Сулайем.

Кездесу соңында Қазақстан Президенті «DP World» компаниясының басшысына өзара тиімді ынтымақтастық жолында зор табыс тіледі.


null

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT