+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Нұрсұлтан Назарбаев билік транзитін әлем басшылары қалай қабылдағанын айтты

2019 жылғы 6 маусым 12:35
Бөлісіңіз:
Нұрсұлтан Назарбаев билік транзитін әлем басшылары қалай қабылдағанын айтты

НҰР-СҰЛТАН. ҚазАқпарат - Елбасы Нұрсұлтан Назарбаев өзінің президенттік өкілеттігін тоқтату туралы шешімін әлем елдерінің басшылары қалай қабылдағанын айтып берді, деп хабарлайды ҚазАқпарат тілшісі.

«Еліміз тұрақтанды, дүниежүзіне белгілі Қазақстан қалыптасты. Елдің экономикасы, халықтың әл-ауқаты көтерілді. Қазақстанды жаңғыртуға бағытталған бірқатар бағдарлама қабылданып, іске асырылуда. Оның барлығына сіздер атсалысып, жоспарланған реформалар табысты іске асуы да сіздердің шешімдеріңізге байланысты. Әсіресе, ел экономикасын өркендетуде кейінгі кезде көптеген шаралар қабылданды. Әлемде болып жатқан жағдайды білесіздер. Экономика мен технологиялар жағынан сұрапыл күрес жүріп жатыр. Бізге алпауыт елдердің ортасында отырып, Тәуелсіздігімізді сақтап қалып, өзіміздің саясатымызды жүргізіп, солармен дос болып, жұмыс істеу оңайға түскен жоқ. Осының барлығын жақсы білесіздер», - деп тоқталды Елбасы Парламент Сенатында өткен салтанатты шарада.

Осы орайда, Н. Назарбаев бұл бағытта көптеген келіссөздер мен кездесулер өткенін атап өтті. Қазақстан алып елдердің алдындағы дәрежесін тек парасаттылықпен, ақылмен, дұрыс қарым-қатынаспен, көршілік байланыстармен көтерді.

«Бұл миссияда көптеген маңызды заңдарды қабылдадыңыздар. Тиісті жобаларды жан-жақты қарап, сапалы заң шығару сіздерге сеніп тапсырылған миссия. Парламен Сенатының ерекшелігі -әр өңірден сайланғандығы. Оның үстіне сіздер өңірлердің жағдайын жақсы білесіздер», - деді Тұңғыш Президент сенаторларға қарата айтқан сөзінде.

Бұдан бөлек, Елбасы өзінің президенттік өкілеттігін тоқтату туралы шешімін көптеген елдердің басшылары қалай қабылдағанын айтып берді.

«Мен өзімінің өкілеттігімді тоқтату туралы шешім жасағанда, барлық мемлекет басшыларынан хат алдым және олармен телефон арқылы сөйлестім. Осындай реакция болатынына өзім таңғалдым. Бұдан біздің барлығына тағы да үлгі көрсеткенімізді байқауға болады. Яғни, билік транзиті мәселесін қалай шешу керектігін көрсеттік. Осы орайда барлық қадамдарда халық даналығы болуы тиіс», - деді Н. Назарбаев.

Бұдан бұрын хабарланғандай, бүгін ҚР Парламенті Сенатында Тұңғыш Президент-Елбасы Нұрсұлтан Назарбаевқа «Құрметті Сенатор» төсбелгісі мен куәлігі табысталды.

Елбасы Нұрсұлтан Назарбаев Парламент Сенатының депутаттарымен ақылдасуға жиі келіп тұратынын айтты.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT