Нұрсұлтан Назарбаев БАӘ-ның Қазақстандағы Елшісі Мұхаммед әл-Джабермен кездесті

None
None
НҰР-СҰЛТАН. ҚазАқпарат - Нұрсұлтан Назарбаев Біріккен Араб Әмірліктерінің Қазақстан Республикасындағы Төтенше және Өкілетті Елшісі Мұхаммед әл-Джабермен кездесті, деп хабарлайды ҚазАқпарат elbasy.kz-ке сілтеме жасап.

Кездесуде Елбасы екіжақты ынтымақтастықты нығайтуға қосқан үлесі үшін Қазақстандағы дипломатиялық миссиясын аяқтап жатқан Мұхаммед аль-Джаберге алғысын білдірді.

– Сіз біздің елде үш жарым жыл қызмет еттіңіз. Осы уақытта Қазақстан мен БАӘ қатынасы едәуір нығая түсті. Атап айтқанда, мемлекеттер арасында визасыз режим енгізілді. Сізді Қазақстанның сенімді досы деп білемін. Алдағы уақытта да жақсы қарым-қатынаста боламыз деген сенімдемін, – деді Қазақстанның Тұңғыш Президенті.

Өз кезегінде Мұхаммед әл-Джабер Елбасыға және барша Қазақстан халқына қонақжайлық көрсетіп, жемісті ынтымақтастық пен екі ел арасындағы қатынастарды дамытуда жан-жақты көмек бергені үшін алғыс айтты.

– Маған бауырлас Қазақстан Республикасында елші болу мәртебесі бұйырды. Сіз бен БАӘ басшылығы арасында достық қарым-қатынас орнаған. Менің Қазақстанға және оның халқына деген ықыласым ерекше. Елден жарқын және ұмытылмас әсер алдым. Дипломатиялық қызметтегі алғашқы лауазымымда «Қазақстан мектебінен» өткенімді мақтан тұтамын, - деді БАӘ елшісі.


Соңғы жаңалықтар