+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Нұрсұлтан Назарбаев АӨСШК және ЕҚЫҰ ұйымдарын біріктіруді ұсынды

2019 жылғы 12 қараша 11:14
Бөлісіңіз:
Нұрсұлтан Назарбаев АӨСШК және ЕҚЫҰ ұйымдарын біріктіруді ұсынды

НҰР-СҰЛТАН. ҚазАқпарат – ҚР Тұңғыш Президенті – Елбасы Нұрсұлтан Назарбаев Еуразия қауіпсіздігін қамтамасыз етуде АӨСШК мен ЕҚЫҰ ұйымдарын біріктіруді ұсынды, деп хабарлайды ҚазАқпарат тілшісі.

Ұқсас жаңалықтар
Нұрсұлтан Назарбаев билік транзиті туралы пікір білдірді Елбасы: ЕО мен ЕАЭО – бір-бірін толықтыратын өзара байланысты ұйымдар Елбасы Еуразия экономикалық одағының болашағы туралы айтты

«Қазіргі дағдарыстық жағдай мен жаңа сын-қатерлер мерзімі жеткен диалогты орнату мүмкіндігін ашады. Үлкен Еуразияның жаңа ойын ережелерін анықтау қажеттігі шүбәсіз деп ойлаймын. Бұл туралы көптеген форумдарда айтып келемін», - деді Елбасы Astana Club пленарлық отырысының ашылуында.

Осы орайда Нұрсұлтан Назарбаев Азиядағы өзара ықпалдастық және сенім шаралары кеңесі мен Еуропа қауіпсіздік және ынтымақтастық ұйымының күшін біріктіруді ұсынды.

«Жалпықұрлықтық қауіпсіздік архитектурасын қалыптастырудың жаңа тәсілдерін сыни тұрғыда қарастырған жөн. Еуропа мен Азияның аймақтық қауіпсіздік жүйесін біріктіретін толыққанды Еуразиялық қауіпсіздік үлгісін жасайтын кез келді. 2020 жылы ЕҚЫҰ-дағы Астана декларациясының қабылданғанына 10 жыл толады. Онда Еуроатлантикалық және еуразиялық қауіпсіздік бірыңғай қауымдастығын құрудың маңызы айтылған еді. Бұл мәселелерді Азияның 27 мемлекетін біріктіретін АӨСШК мен ЕҚЫҰ әлеуметтерін біріктіру арқылы тиімді шешуге болады. Екі ұйымды біріктіру арқылы Еуразияның жаһандық қауіпсіздігін қамтамасыз етуге болады», - деді ол.

Елбасының айтуынша, бұл бастаманы Astana club сарапшылары да қолдады. Сауалнамада олардың 65 пайызы екі құрылымды біріктіру арқылы Еуразия қауіпсіздігі мәселесін тиімді шешуге болады деп пікір білдірген.

«Осы тақырып бойынша АӨСШК және ЕҚЫҰ сарапшылары мен дипломаттары арасында келіссөзді жалғастыруды ұсынамын. Мұнда біздің клуб (Astana club – ред.) платформасын пайдалануға болады. Диалогтың бұл форматы жоғары саяси деңгейдегі келіссөзді ұйымдастыру үшін дайындық кезеңі бола алар еді», - деді Нұрсұлтан Назарбаев.

Айта кетейік, 11-12 қараша күндері «Назарбаев Орталығында» әлемнің жетекші дипломаттары мен саясаткерлерінің және сарапшыларының басын қосатын «Астана клубының» бесінші отырысы өтуде. Мерейтойлық отырыс тақырыбы «Үлкен Еуразия: жаһандық ынтымақтастықтың жаңа құрылымы жолында» деп аталады. Клубтың сараптамалық талқылауына АҚШ, Қытай және Ресей арасындағы қырғи-қабақтың ушығуы, сауда протекционизмі мен популистік көңіл-күйдің артуы, сондай-ақ Иран мен Солтүстік Корея төңірегінде жаңа шиеленістердің бой көрсетуі мәселелері арқау болмақ.

Бұған дейін Елбасы Еуразия қауіпсіздігі бойынша өзекті мәселелерді атап көрсеткен еді .

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT