USD 434.24 EUR 492.69
RUB 5.67 CNY 68.46
Jańalyqtar

«Нұрлы жер»: Маңғыстау облысында көпбалалы аналарға 153 пәтер беріледі

2021 жылғы 9 желтоқсан 15:18
Бөлісіңіз:
«Нұрлы жер»: Маңғыстау облысында көпбалалы аналарға 153 пәтер беріледі

МАҢҒЫСТАУ ОБЛЫСЫ. ҚазАқпарат – Маңғыстау облысында «Нұрлы жер» мемлекеттік бағдарламасы аясында осы жылдың аяғына дейін көпбалалы аналарға 153 пәтер (жалпы ауданы 8 400 шаршы метрден кем емес) беріледі. Бұл үшін 1,3 миллиард теңге көлемінде қаржы қарастырылған, деп хабарлайды ҚазАқпарат.

Ұқсас жаңалықтар
Қаражалда 12 медицина қызметкеріне пәтер кілті табысталды СҚО-да көпқабатты тұрғын үйлердің 69 пайызы басқарудың жаңа түріне көшті Сапасыз үй салғандар заң алдында жауап беруі керек - Даниал Ахметов

Пәтерлерді тапсыру ҚР Тәуелсіздігінің 30 жылдығына орай 16 желтоқсанға жоспарланған.

Қазіргі кезде бұл бағдарламаны облыстың көпбалалы аналары қолдануда. Олардың бірі – осы бағдарламаның арқасында пәтер алған Қарақия ауданы Жетібай ауылының тұрғыны Зағипа Елтежиева.

Бес баласы бар Жетібай ауылының тұрғыны 2007 жылдан бастап пәтер жалдап тұрған. Көпбалалы ана ретінде кезекке 2019 жылы тұрған. Қазіргі кезде мектепте еден жуушы болып жұмыс істейді. Кейіпкердің айтуынша, айлығы аз, ал отағасы тұрақты жұмысқа жақында ғана орналасқан.

«Менің жалақым төмен. Үй сатып алатын мүмкіндігім болмады. Балалармен бірге пәтер жалдап тұрдық. Жаңа үйімізді «Нұрлы жер» бағдарламасы арқылы алдық. Үйлі болғанымызға бақыттымын. Мен сияқты көпбалалы аналарға әрі қарай да көмек көрсетіледі деп үміттенемін», - деді Зағипа Елтежиева.

Осы жылда Ақтауда – 54, Маңғыстау ауданында – 24, Қарақияда – 30, Түпқарағанда – 15, Мұңайлы ауданында 30 пәтер беру жоспарланып отыр.

Сонымен қатар келесі жылы 472 көпбалалы анаға үй беру жоспарда бар.

2019 жылы «Нұрлы жер» бағдарламасының жүзеге асырылуы барысында өңірде үйлі болғандар саны артты. Биыл олар ел тәуелсіздігінің 30 жылдығына орай жаңа пәтердің кілтін алмақ.

Авторы: Аида Абулханова


Біздің каналымызға жазылыңыз:

Бөлісіңіз:

Автор:

Бибіхан Серікова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT