USD 434.24 EUR 492.69
RUB 5.67 CNY 68.46
Jańalyqtar

Нұрлы жер: Көкшетауда 65 отбасы жаңа пәтердің кілтін алды

2020 жылғы 28 тамыз 20:11
Бөлісіңіз:
Нұрлы жер: Көкшетауда 65 отбасы жаңа пәтердің кілтін алды

КӨКШЕТАУ. ҚазАқпарат – ҚР Конституциясы күні қарсаңында Көкшетауда бір топ ақмолалыққа «Нұрлы жер» бағдарламасы бойынша жаңа пәтердің кілті тапсырылды, деп хабарлайды ҚазАқпарат тілшісі.

Ұқсас жаңалықтар
Қаражалда 12 медицина қызметкеріне пәтер кілті табысталды СҚО-да көпқабатты тұрғын үйлердің 69 пайызы басқарудың жаңа түріне көшті Сапасыз үй салғандар заң алдында жауап беруі керек - Даниал Ахметов

Шараға қатысқан аймақ басшысы Ермек Маржықпаев тұрғындарды Конституция күнімен құттықтай келе, жаңа пәтердің кілтін табыс етті.

Баспаналы болғандардың басым көпшілігі - ұзақ уақыт пәтер кезегінде тұрғандар. Аймақ басшысы өз сөзінде мемлекет саясатының басты бағыты - әр қазақстандық отбасын баспанамен қамту екенін атап өтті.

Соңғы жылдары облыста 3 миллионнан астам шаршы метр баспана берілген.

«Осы мақсатта елімізде тиісті бағдарламалар бар. Бұған біздің облысымыз белсенді қатысуда. Биыл облыста 570 мың шаршы метр, оның ішінде Көкшетау қаласының өзінде 240 мың шаршы метр баспана беру жоспарланған», - деді Ермек Маржықпаев.


Бұл жолы баспаналы болған 65 отбасының 25-і жаңа пәтердің кілтін салтанатты жағдайда әкімнің қолынан алды.

Сонымен бірге, аймақ басшысы медициналық мекемелерге қызметтік су жаңа автокөліктердің кілтін табыс етті.

Еске сала кетейік , осыған дейін Конституция күні қарсаңында Бұланды ауданының орталығы - Макинск қаласында жаңадан салынған 45 және 60 пәтерлі екі үйден жаңа пәтерлердің кілті тапсырылған болатын.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT