+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

«Нұрлы жер»: Ақмола облысында 50 тұрғын үй салынуда

2020 жылғы 5 желтоқсан 23:58
Бөлісіңіз:
«Нұрлы жер»: Ақмола облысында 50 тұрғын үй салынуда

КӨКШЕТАУ. ҚазАқпарат - Ақмола облысында тұрғын үй құрылысы қарқын алып келеді. Соңғы үш жылдың ішінде өңірде мемлекеттік бағдарламасы шеңберінде 1,5 миллион шаршы метр баспана салынып, 13 мың отбасы баспана мәселесін шешті, деп хабарлайды ҚазАқпарат тілшісі облыстық ішкі саясат басқармасына сілтеме жасап.

Тұрғын үй құрылысын жүзеге асыру үшін 2020-2025 жылдарға арналған «Нұрлы жер» бағдарламасының бірінші бағытында қарастырылған. Биылғы жылы бірінші бағытты жүзеге асыру үшін республикалық және облыстық бюджеттен 11,5 миллиард теңге қаржы қарастырылды. Бүгінгі күні 504 мың шаршы метр баспана немесе 4 100 пәтер пайдалануға берілді.

«Облыста «Нұрлы жер» мемлекеттік бағдарламасы бойынша 50 тұрғын үй, «Жұмыспен қамтудың жол картасы» бағдарламасы шеңберінде 45 тұрғын үй, «Ірі қалалардың тысқары аумақтарын дамту» бағдарламасы бойынша 4 тұрғын үй салынуда. Қолжетімді баспана құрылысы 14 аудан мен Көкшетау және Степногор қалаларында жүзеге асырылуда», - облыстық құрылыс басқармасының басшысы.

Осы ретте, облыс орталығында қазіргі таңда 6 жалдамалы тұрғын үй салынды. Жыл соңына дейін тағы 5 үй салу жоспарланған. Бұдан бөлек, 13 тұрғын үйдің құрылысы жүргізілуде, оның 5-уі жыл соңына дейін пайдалануға беріледі.

Өңірде халықтың әлеуметтік жағынан осал топтарына 501 жалдамалы пәтер үлестіру жоспарланған. Оның ішінде 186 көпбалалы отбасылар.

Облыс тұрғындары «7-20-25» бағдарламасына да белсенді қатысуда. Бүгінгі таңда 946 өтініш қолдау тауып отыр. Биыл 175 отбасы «Бақытты отбасы» бағдарламасы бойынша жеңілдетілген пәтерге қол жеткізді.

Сонымен бірге, облыста әлеуметтік нысандардың құрылысына ерекше көңіл бөлінуде. Қазіргі таңда әлеуметтік салада 51 жоба жүзеге асырылуда. Олардың қатарында мектеп, балабақша, емхана, дәрігерлік амбулатория, дене шынықтыру және сауықтыру кешендерінің құрылысы бар.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT