Нұрлан Нығматулин: Халықтың әлеуметтік мәселелері депутаттар назарында

None
None
НҰР-СҰЛТАН. ҚазАқпарат - Бүгін Парламент Мәжілісінде палата спикері Нұрлан Нығматулиннің төрағалығымен Бюро отырысы өтті. Онда 30 сәуір мен 7 мамыр аралығында депутаттардың аймақтарға сапары туралы мәселе қаралды, деп хабарлайды ҚазАқпарат.

Мәжіліс төрағасы атап өткендей, депутаттардың халықпен кездесулерінде бірінші кезекте, Елбасы Нұрсұлтан Назарбаевтың әлеуметтік бастамаларының жүзеге асырылу барысы, оның ішінде, тұрмысы төмен және көпбалалы отбасыларды қолдау шараларына ерекше көңіл бөлінеді.

«Депутаттар кездесу барысында осы бағытта қабылданған заңнамалық құжаттармен қатар, жалпы заңшығарушылық жұмыстар жөнінде баяндайды. Халық қалаулылары өндіріс орындарында, ауылшаруашылық және әлеуметтік нысандарда болып еңбек ұжымдарымен және жастармен кездеседі, сондай-ақ азаматтардың қоғамдық қабылдауын өткізеді деп жоспарлануда», - делінген палатаның баспасөз баянында.

Мәжіліс депутаттарының халықпен кездесуі облыс, аудан орталықтарымен қатар шалғайдағы елді мекендерді де қамтитын болады.

Соңғы жаңалықтар