+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Нұрлан Ноғаев: Көптеген өңірдің энергия бойынша қарызы бар

2021 жылғы 18 мамыр 10:32
Бөлісіңіз:
Нұрлан Ноғаев: Көптеген өңірдің энергия бойынша қарызы бар

НҰР-СҰЛТАН. ҚазАқпарат – Энергия өндіруші ұйымдардың «ҚазТрансГаз-Аймақ» акционерлік қоғамы алдындағы берешегі бір жыл ішінде айтарлықтай азайған, деп хабарлайды ҚазАқпарат тілшісі.

Бұл туралы Энергетика министрі Нұрлан Ноғаев Үкімет отырысында айтты. Министрдің сөзінше, бүгінгі таңда энергия өндіруші ұйымдардың «ҚазТрансГаз-Аймақ» АҚ алдындағы берешегі 667 млн теңге болған. Ал 2020 жылдың мамырында берешек мөлшері 7 млрд 481 млн теңге болған екен.

Сондай-ақ, энергия өндіруші ұйымдардың «Богатырь-Көмір» жауапкершілігі шектеулі серіктестігі алдында жалпы сомасы 1 млрд теңге берешегі бар көрінеді.

«Коммуналдық кәсіпорындардың, көтерме сауда тұтынушыларының, энергиямен жабдықтаушы және энергия беруші ұйымдардың Маңғыстау, Батыс Қазақстан, Ақтөбе, Алматы, Шығыс Қазақстан, Жамбыл, Қарағанды, Қызылорда, Павлодар облыстарындағы және Нұр-Сұлтан, Алматы және Шымкент қалаларындағы энергия өндіруші және энергия беруші ұйымдардың алдында берешегі бар.

Бұл энергия өндіруші және энергия беруші ұйымдардың жөндеу жұмыстарын уақтылы орындауына теріс әсер етеді. Осыған байланысты жергілікті атқарушы органдар коммуналдық қызметтер үшін берешекті өтеу жөніндегі жұмысты күшейтіп, жандандыру қажет», - деді Нұрлан Ноғаев.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT