+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Нұрлан Ақүрпеков: Әбілхан иығы мен қолындағы жарақатынан еркін қимылдай алмады

2021 жылғы 1 тамыз 16:25
Бөлісіңіз:
Нұрлан Ақүрпеков: Әбілхан иығы мен қолындағы жарақатынан еркін қимылдай алмады

НҰР-СҰЛТАН. ҚазАқпарат - Бокстан Қазақстан командасының мүшесі Әбілхан Аманқұлдың жеке бапкері Нұрлан Ақүрпеков бүгінгі жеңілістен соң шағын сұхбат беріп, жанкүйерлерден кешірім сұрады деп жазады Olympic.kz.

Ұқсас жаңалықтар
Теннис: Юлия Путинцева Словениядағы жарыстың жартылай финалына шықты Бокстан ӘЧ-2021: жүлдегер  қазақстандықтарды рекордтық ақшалай сыйақы күтіп тұр Бокстан әйелдер құрамасының айналасындағы дау бойынша арнайы комиссия құрылды

«Ақталғым келмейді. Жанкүйерлерден басымды иіп кешірім сұраймын. Үмітті ақтамадық. Біз үшін қиын жағдай. Әбілханға бүгін психологиялық тұрғыдан қиын болды. Өйткені, бұрыннан иығында жарақаты барын білесіздер. Бірнеше рет ота жасаттық. Соңғы отадан кейін бір жарым жыл бойы үзіліс алу керек еді. Бірақ біз Олимпиада уақыты жақындап қалған соң, айтарлықтай күтім жасамадық.

Сол жарақат Токио төрінде тағы да сыр берді. Одан қалса, өзбекстандық боксшымен өткен жекпе-жектен соң оң жұдырығын жарақттап алды. Қолы да ауырып тұр. Иығы мен қолындағы жарақаты оның кеңінен көсілуіне мүмкіндік бермеді.

«Қалай ұрамын, қалай жұмыс істеймін» деген сұрақтар санасын жаулап алды да, психологиялық жағынан ауыртпалық туындады. Жеңілістің себебі осы деп ойлаймын. Оның үстіне, қарсылас та осал емес. Ол да өте сауатты қорғана білді, жақсы жекпе-жек өткізді. Енді Әбілхан біраз демалады. Ол кәсіби боксқа барса да, алдынан осы жарақат шығады. Сондықтан, толық емделуі керек. Биылғы Қазақстан біріншілігіне де қатыспайды», - дейді бапкер.

Айта кетелік, Әбілхан Аманқұл 75 келі салмақтағы ширек финалдық бәсекеде бразилиялық Эберт Консейсан Соузадан 2:3 есебімен ұтылды.

ФОТО: Жеңіс Ысқабай, Қазақстан ҰОК


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT