+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Нұрлан Әбдіров Қарағанды облысындағы жаңадан сайланған ауыл әкімдерімен кездесті

2021 жылғы 30 шілде 12:28
Бөлісіңіз:
Нұрлан Әбдіров Қарағанды облысындағы жаңадан сайланған ауыл әкімдерімен кездесті

НҰР-СҰЛТАН. ҚазАқпарат - Парламент Сенаты Төрағасының орынбасары Нұрлан Әбдіров Қарағанды облысында сапарда болды. Төраға орынбасары жаңадан сайланған ауыл әкімдерімен, сондай-ақ Ұлытау және Жаңаарқа аудандары мәслихаттарының депутаттарымен кездесті, деп хабарлайды ҚазАқпарат.

Ұқсас жаңалықтар
Сенатта азаматтық қоғам мен медиасаланы дамыту мәселелері талқыланды Сенаторлар астанада өткен жалпықалалық сенбілікке қатысты

Нұрлан Әбдіров жүздесуде өткен сайлаудағы жергілікті билік органдарының өкілеттігі мен дербестігін кеңейтудегі маңыздылығын атап өтті.

«Елімізде ауыл әкімдерін сайлау аяқталды. Осылайша, біз жергілікті атқарушы органдардың дербестігін нығайтуға бағытталған сайлау процесінің бірінші және маңызды кезеңдерінен табысты өттік. Бұл саяси реформаны алғаш рет еліміз Президенті Қасым-Жомарт Тоқаев биылғы қаңтар айында Парламент палаталарының бірлескен отырысында жария еткені белгілі. Мемлекет басшысы сол кезде азаматтардың шешім қабылдау процесіне ықпалын күшейту үшін осындай серпін берудің маңыздылығын атап өткен болатын. Осыған байланысты жаңадан сайланған әкімдерге үлкен жауапкершілік жүктеледі» , - деді Нұрлан Әбдіров.

Сенат Төрағасының орынбасары бұл тапсырманы іске асыру үшін депутаттар ауқымды заңнамалық жұмысты жедел түрде жүргізгенін еске салды. Атап айтқанда, жергілікті өзін-өзі басқару бюджетін нығайту үшін салықтар мен төлемдердің кейбір түрлері: бірыңғай жер салығы, жер учаскелерін пайдаланғаны үшін төлем, жер учаскелерін сатудан түсетін түсімдер, жер учаскелерін жалдау құқығын сату төлемі төртінші деңгейге берілді. Нұрлан Әбдіров бұл жаңалықтар ауылдық, аудандық және қалалық биліктің дербестігін ұлғайтуға ықпал ететінін айтты.

Палата Төрағасының орынбасары жергілікті халықты толғандыратын өзекті мәселелерді талқылау және шешу мен қолданыстағы заңнаманың тиімділігін жақсарту үшін Сенат пен мәслихат депутаттарының бірлескен жұмысын күшейтудің маңыздылығын атап өтті.

Сенат Төрағасының орынбасары кездесулерге қатысқан құқық қорғау органдарының өкілдеріне арнаған сөзінде Мемлекет басшысының бастамасымен әзірленген, еліміздің құқық қорғау және сот жүйелерін реформалауға бағытталған заңдарды қабылдау депутаттар қызметінің маңызды нәтижелерінің бірі болғанын атап өтті.

Төраға орынбасары сапар барысында сондай-ақ өңірдегі ауыл еңбеккерлерімен еліміздің мал шаруашылығын қолдау мәселелерін де талқылады және облыстың ауыл шаруашылығы секторының даму проблемаларымен танысты. Жақында Қарағанды облысында болған дала өртінің салдарымен күрес және өңірдің ондаған зардап шеккен шаруа қожалықтарына келтірілген залалды өтеу мәселелері көтерілді. Нұрлан Әбдіров келтірілген залалды бағалау және зардап шеккен азаматтарға өтемақы төлеу жөніндегі жұмыстарды жеделдетудің маңыздылығын атап өтті.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT