Нұр-Сұлтанды газбен қамту жұмыстары қалай жүріп жатыр

НҰР-СҰЛТАН. ҚазАқпарат - Нұр-Сұлтан қаласының әкімі Instagram парақшасында қаланы газдандыру жұмысы қалай жүргізіліп жатқанын мәлім етті, деп хабарлайды ҚазАқпарат елорда әкімдігінің ресми сайтына сілтеме жасап.

Ұқсас жаңалықтар

Хоккей: «Барыс Аренаға» жанкүйерлер қайта кіретін болды

2021 жылы елімізде өндірілетін газ көлемі белгілі болды Энергетика министрі Қарашығанақ жобасына қатысты түсінік берді Нұр-Сұлтанда мектеп оқушылары мен колледж студенттері ауа райына байланысты қашықтан оқиды

«Қаланы газдандыру 3 кезеңнен тұрады. Қазір Көктал-2 елді мекені тұрғындарының үйлерін көгілдір отынға қосу және жұмыстарды қабылдау жүріп жатыр. Бұған дейін осы елді-мекенде ішкі желілерге газ берілді. Сонымен бірге, газ Железнодорожный елді мекеніне де беріліп, қараша айында орталықтандырылған газбен жабдықталды. Жалпы, қала ішіне 300 шақырымнан астам газ құбырлары тартылды», - дейді әкім.

Оның айтуынша, 800 үй техникалық шарттарға сәйкестік құжатына қол жеткізіп, 5 мыңнан астам адам фронт-офистерде кеңес алды. Тұрғындарға ақысыз берілетін есептегіштер қарастырылған.

«Елорданы газдандыру - Тұңғыш Президент - Елбасы Нұрсұлтан Назарбаевтың тарихи жобасы. Қаланы газдандыру процесі Мемлекет басшысы Қасым-Жомарт Тоқаевтың ерекше бақылауында. Елорданы газдандыру зиянды қалдықтарды төмендетуге мүмкіндік береді. Қаланың экологиясы жақсарады, ал бұл - тұрғындардың денсаулығына жағымды әсер етеді», - деп жазды Алтай Көлгінов.