+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Нұр-Сұлтанда жол ақысы қымбаттай ма

2019 жылғы 15 қазан 12:06
Бөлісіңіз:
Нұр-Сұлтанда жол ақысы қымбаттай ма

НҰР-СҰЛТАН. ҚазАқпарат - Елордада қоғамдық көлік тарифін көтеру мәселесі қарастырылып отырған жоқ. Бұл туралы бүгін «Астана LRT» ЖШС басқарма төрағасы Бекмырза Игенбердинов айтты, деп хабарлайды ҚазАқпарат тілшісі.

Ұқсас жаңалықтар
Әкімдік: Алматыда автобус жолақысының нақты құны - 250 теңге Атырауда автобус жолақысын электронды түрде төлеуге болады Елордалықтар жолақыны банк карталарымен төлей алады

«Сараланған тариф енгізілгеннен кейін тасымалдаушылардың табысы шамамен 40 пайызға артты. Сонымен қатар штат пен жалақының артуы есебінен шығын да өсті. Қосалқы бөлшектер сатып алып, жылжымалы құрамды тәртіпке келтірдік. Соған сай жазға және қысқа дайындық жүргізілді. Енді кіріс пен шығыс арасында айырма бюджет есебінен жабылуы тиіс. Егер бюджет мұндайға дайын болмаса, онда екінші нұсқа ретінде тарифті көтеру туралы айтуға болады. Бірақ әзірше біз тарифті көтеру жайында сөз қозғап отырған жоқпыз», - деді ол «Қоғамдық көлік: реформалар және даму жолдары» атты конференция аясында БАҚ өкілдеріне берген сұхбатында.

Оның атап өтуінше, қазіргі уақытта компания бір жылдағы жолаушылар тасымалына қатысты деректерді алған. Аталған деректер сараптамалық есептеулермен бірге тарифтік комииссияның қарауына енгізіліп отыр. Осыдан кейін бұл мәселе қоғамдық кеңесте, қалалық мәслихатта талқыланып, есеп айырысу тарифі қандай болуы керектігі анықталады.

«Бекітілген тарифті ауыстыру, яғни 90 теңгеден көтеру жайында сөз қозғалып отырған жоқ. Біз субсидиялау мүмкіндігі және автобус парктері алуы тиіс жетіспейтін қаражат жайында айтып отырмыз. Біздің есебімізге сәйкес, автобус парктеріне жылына 15,7 млрд теңге қажет. Жалпы, жыл соңына дейін 90 теңге деңгейінде бекітілген тарифтің көтерілмейтініне сенімдімін», - деді Б.Игенбердинов.

Оның атап өтуінше, келесі жылы қоғамдық көлік тарифтеріне қатысты мәселе талқыланады, бюджеттік мүмкіншіліктер қарастырылады.

«Содан кейін біз қалалықтарға қолайлы болатын қандай да бір жаңа тарифтік жоспар енгіземіз немесе бюджет өз баптарын қайта қарастырады. Өйткені, барлық бағдарлар анықталған. Бұған қоса, қаланың жартысы қоғамдық көлікпен жүреді. Сондықтан қазір наразылық толқынын туындатудың мәні де жоқ. Меніңше, әкімдікпен бірлесіп көңілге қонымды әрі оңтайлы шешім табамыз»,-деді компания басшысы.

Біздің каналымызға жазылыңыз:

Басты сөздер: Нұр-Сұлтан, Көлік, Тариф,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT