Нұр-Сұлтанда жаңа бағыт бойынша автобустар жолға шықты

НҰР-СҰЛТАН. ҚазАқпарат - Елордада жаңа №24А бағдары іске қосылды, деп хабарлайды ҚазАқпарат Smart Astana Bot қызметіне сілтеме жасап.

Бұл бағдар «Өндіріс» (Лесозавод) шағынауданы тұрғындарының өтініші бойынша ашылған.

«Бағдар өз қозғалысын 2020 жылдың 10 ақпанынан бастады. Жаңа бағдардың №24 бағдардан айырмашылығы қандай? №24А бағдардың қозғалыс сызбасы негізгі бағдарға қарағанда қысқа. Жаңа бағдар тек «Өндіріс» ауданына дейін жүреді. Бастапқы аялдама – «Сусамыр көшесі», соңғы аялдама – «Бастау» ауданы» делінген хабарламада.

Бағдардың қозғалыс сызбасымен мына сілтемеден танысуға болады.