+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Нұр-Сұлтанда ұмыт бола бастаған салт-дәстүрлерді жаңғыртатын JAS NOMAD жобасы басталды

2021 жылғы 23 қыркүйек 22:02
Бөлісіңіз:
Нұр-Сұлтанда ұмыт бола бастаған салт-дәстүрлерді жаңғыртатын JAS NOMAD жобасы басталды

НҰР-СҰЛТАН. ҚазАқпарат - Нұр-Сұлтан қаласы әкімдігінің «Астана жастары» КММ ел Тәуелсіздігінің 30 жылдығы аясында қазақтың ұмыт бола бастаған салт-дәстүрлері мен әдет-ғұрыптарын жаңғыртуға арналған JAS NOMAD жобасын іске қосты, деп хабарлайды ҚазАқпарат елорда әкімдігінің ресми сайтына сілтеме жасап.

Ұқсас жаңалықтар
Елордада жолдың қарсы бетіне шығып жарысқан жүргізушілер жазаланды Нұр-Сұлтанда әйел баласымен бірге көп қабатты үйдің балконынан секірмек болған Нұр-Сұлтанда жүрек донорларының құрметіне арт-нысан ашылды

Бұл жоба 2021 жылғы желтоқсанға дейін жастар арасында ұмытылып бара жатқан қазақ дәстүрлері мен әдеп-ғұрыптарын сақтауға бағытталған іс-шаралар кешені ретінде онлайн-форматта өтетін болады.

«Негізінен біз іс-шараларды онлайн өткіземіз. Контент біздің YouTube-арнамызға ұлттық костюмдердің атаулары мен тарихы, ұлттық тағамдар, ұлттық аспаптар, ет турау рәсімдері бойынша шығарылатын болады. Бұдан бөлек, қазан айында қолөнер, қыш және тігін ісі бойынша екі офлайн іс-шара өтеді», – деді «Астана жастары» КММ Жастар бастамаларын қолдау жөніндегі маманы Олжас Амангелді.

Ұйымдастырушылардың айтуынша, жоба жыл соңына дейін жалғаспақ. Контент қазақ және орыс тілдерінде 25 бейнеролик түрінде онлайн шығады.

Ашылу салтанатында жобаның 15 қатысушысы үйретушінің көмегімен киіз үйді жинап көрді.

Айта кетсек, жоба жаттықтырушыларының бірі – «Қасиетті Қазақстан» ғылыми-зерттеу орталығының басшысы Батырхан Жұмабаев бұл бастаманың елорда жастары үшін өте маңызды екенін, өйткені ол жастардың ұлттық құндылықтар туралы дүниетанымын кеңейтетінін атап өтті.

«JAS NOMAD – қала жастары үшін маңызды шара. Мен жастарды ұмытылған дәстүрлерді жаңғыртуға баулимын. Өйткені өзім тарихшы, этнологпын. Өкінішке қарай, қазір қала мен ауыл арасында үлкен айырмашылық бар. Ауыл жастары қалалықтардан қатты ерекшеленеді. Біз ауылдан шыққанымызды мақтан етуге тиіспіз. Қазақ «Ауыл – ұлттың негізі» деп бекер айтпаған. Бұрын бабаларымыз күздің осы кезеңі – Мизам шуақта киіз үйлерді жинап, тастан, шым кірпіштен салынған күздік баспанаға (күзеу) көшіп, кейін қыстауға қоныстанған. Бұл туралы біз шеберлік-сыныптарда толыққанды айтып береміз», – деді Батырхан Жұмабаев.

Жобаға 14-29 жас аралығындағы ниет білдірген жастар қатыса алады. Ол үшін «Астана жастары» Instagram парақшасына кіріп, Google пішініндегі нұсқаны толтыру қажет. Қатысу тегін.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT