Нұр-Сұлтанда тұрғын үйдің ауласында екі адамды пышақтап кетті

None
None
НҰР-СҰЛТАН. ҚазАқпарат – Елордада тұрғын үйлердің бірінің ауласында екі адамды пышақтаған күдікті ұсталды, деп хабарлайды ҚазАқпарат polisia.kz сайтына сілтеме жасап.

Әлеуметтік желілерде Нұр-Сұлтанда болған жаппай төбелестің видеосы тарады.

Анықталғандай, оқиға 23 қаңтар күні кешкі сағат жеті шамасында болған. Полиция қызметкерлері ізін суытпай 5 адамды ұстады. Олар бір топ достарымен тұрғын үйдің ауласында жанжал шығарған. Конфликтке қатысушылардың бірі сол үйде тұрған.

«Жанжалдың соңы жаппай төбелеске ұласқан. Оның барысында ұсталғандардың бірі екінші тараптағы екі адамға пышақ сұғып алған. Осыдан кейін төбелесті шығарғандар екі көлікке отырып, іздерін суытқан. Полицейлер бірнеше сағаттың ішінде олардың тұлғаларын анықтап, қолға түсірді. Пышақ салған күдікті Нұр-Сұлтан қалалық Полиция департаментінің уақытша ұстау оқшаулағышына жеткізілді. Тергеу жүргізілуде», - делінген ақпаратта.





Фото: polisia.kz




Соңғы жаңалықтар