+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Нұр-Сұлтанда нан бағасы қымбаттай ма

2019 жылғы 19 қазан 15:09
Бөлісіңіз:
Нұр-Сұлтанда нан бағасы қымбаттай ма

НҰР-СҰЛТАН. ҚазАқпарат – Нұр-Сұлтан қаласының әкімдігі нан бағасына қатысты пікір білдірді, деп хабарлайды ҚазАқпарат.

Ұқсас жаңалықтар
Қостанай облысында нан бағасын тұрақтандыруға қосымша қаржы бөлінді Ақтөбеде нан өндірушілер бағаны өзара келісіммен көтерген болуы мүмкін Оралда нан қымбаттады

Астаналық инвестиция және кәсіпкерлікті дамыту басқармасының мәліметіне сенсек, жыл басынан бері астық пен ұн бағасы өскені байқалады. Салдарынан бірінші сорт ұнынан пісірілген әлеуметтік нан бағасының өсу қаупі туындап отыр.

«Биылғы сәуірде бағаны тұрақтандыру үшін келісін 94 теңгеден 2000 тонна бірінші сорт ұн сатып алынды. Оны отандық өндіруші «Табыс 2009» ЖШС-нен сатып алдық. Бұл ұн қаладағы екі ірі наубайханаға (қала нарығындағы үлесі – 30%) бөлініп берілді. Олардың бір айдағы қажеттілігі - 750 тонна», - деп мәлім етті ведомство.

Басқарманың мәліметінше, қала наубайханаларымен келісім бойынша биылғы 1 желтоқсанға шейін нан бағасы сол бір бөлке – 75 теңге күйінде қалады. Дүкенде 80-85 теңгеден сатылады. Бүгінде еркін нарықтағы астықтың бағасы тоннасына 80 мың теңгеден асады.

Айта кетейік, «Азық-түлік келісімшарт корпорациясы» ҰК» АҚ астықты сапасына қарай тоннасын 70 мың теңгеден сатып алатынын хабарлаған болатын.

«Осыған байланысты нан бағасының кенеттен көтеріліп кетуіне жол бермес үшін комиссия шешімімен тұрақтандыру қорына 6 мың тонна ұн сатып алу жоспарланып отыр. Ол жаңа егін науқанына дейін бағаны тұрақты қалыпта ұстап тұрады және қаладағы қажеттіктің 65 пайызын қамтамасыз етеді», - деп мәлімдеді басқарма.

Әкімдік аталған бағыттағы жұмыс бақылауда екенін атап өтті.

Еске сала кетсек, 14 қазандағы Үкімет отырысында Ауыл шаруашылығы министрі Сапархан Омаров нан бағасы қаншалықты қымбаттайтынына қатысты өз болжамын айтқан еді. Одан кейін министрлік өкілдері әлеуметтік нанның бағасы өзгермейді деп сендірген болатын.

Біздің каналымызға жазылыңыз:

Бөлісіңіз:

Автор:

Жанат Қапалбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT