+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Нұр-Сұлтанда «Make it possible» республикалық спартакиадасы жалауын көтерді

2019 жылғы 22 қараша 21:59
Бөлісіңіз:
Нұр-Сұлтанда «Make it possible» республикалық спартакиадасы жалауын көтерді

НҰР-СҰЛТАН. ҚазАқпарат - Бүгін Нұр-Сұлтан қаласындағы Nazarbayev University атлетикалық орталығында республикалық «Make it possible» спартакиадасының салтанатты ашылу рәсімі өтті, деп хабарлайды ҚазАқпарат «Спортты дамыту дирекциясы» РМҚК баспасөз қызметіне сілтеме жасап.

Ұқсас жаңалықтар
Мұхаммед Әлидің немересі кәсіби рингке шығуға бел буды Футболдан Еуропа чемпионаты: Италия топтық кезеңде ұпай жоғалтқан жоқ Қазақстандық палуандар Түркияда грек-рим күресінен 3 медаль жеңіп алды

Мүмкіндігі шектеулі және ата-анасының қамқорлығынсыз қалған балалар мен жасөспірімдер арасында өтіп жатқан спартакиада елімізде тұңғыш рет ұйымдастырылуда.

Шараның салтанатты ашылу рәсіміне ҚР Мәдениет және спорт вице- министрі Елдос Рамазанов, қоғам қайраткерлері, спорт саңлақтары, еліміздің белгілі өнер жұлдыздары қатысты.

Сондай-ақ, Республикалық Ұлттық Киокушинкай-кан каратэ федерациясының президенті Омархан Өксікбаев пен еліміздің даңқты спортшылары Зульфия Габидуллина, Александр Колядиндер балаларға министрлік атынан арнайы сыйлықтар табыстады.

Парламент Мәжілісінің депутаты Бекболат Тілеухан еліміздің түкпір-түкпірінен келген балаларға алғысын білдіріп, жарысқа қатысушыларға сәттілік тіледі.

«Make it possible» спартакиадасы Актив Life ашық бірлестігінің төрағасы Арнұр Ысқақовтың идеясымен, ҚР Мәдениет және спорт министрлігі және Ұлттық паралимпиада комитетінің қолдауымен ұйымдастырылып отыр.

Жарысқа Қазақстанның он екі өңірінен 250-ге жуық бала қатысуда. Олар спорттың бес түрі; шағын футбол, армрестлинг, тоғызықұмалақ, асық ату, үстел теннисінен бақ сынайды.

Жеңімпаздар мен жүлдегерлер медаль, диплом және естелік сыйлықтармен марапатталады.

Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT