Нұр-Сұлтанда коронавирус анықталғанда ғана сыныптар жабылады

НҰР-СҰЛТАН. ҚазАқпарат – Нұр-Сұлтанда коронавирус анықталған жағдайда мектепті емес, сыныптарды немесе қабаттарды жабу жоспарланып отыр. Бұл туралы Нұр-Сұлтан қаласының бас мемлекеттік санитарлық дәрігері Сархат Бейсенова айтып берді, деп хабарлайды ҚазАқпарат тілшісі.

Ұқсас жаңалықтар

Екпенің еш кері әсерін байқаған жоқпын – қызылордалық дәрігер

БҚО-да коронавирус жұқтырған 276 адам стационарда жатыр Алматы ауруханаларында 600-ге жуық дәрігер жетіспейді Батыс Қазақстанда соңғы үш күнде 144 адамнан коронавирус табылды

«Эпидемиологиялық жағдай жақсарғанда әрине, шектеу шараларын жеңілдету мәселелері шешіледі және коронавирус анықталған жағдайда мектепті емес, сыныптарды немесе тұтас қабатты жабу жоспарлануда. Жапсарлас сыныптар жабылады. Бұл мәселе қазір талқыланып жатыр», - деді спикер елорда әкімдігінде өткен онлайн брифингте.

Айта кетейік, Нұр-Сұлтанда ақпан айының басынан бері коронавирус жұқтырудың 2192 жағдайы тіркелген.

Нұр-Сұлтанда коронавируспен ауырғандардың негізгі үлесі 30-39 жаста.

Қазіргі уақытта елордада 21 мектепте карантин жалғасуда.

Ал елордалықтар мамыр айында екпе ала алады.