USD 434.34 EUR 491.93
RUB 5.56 CNY 68.67
Jańalyqtar

Нұр-Сұлтанда көпірден суға секіріп кеткен 15 жастағы қызды 2 жігіт құтқарды

2021 жылғы 24 қазан 18:55
Бөлісіңіз:
Нұр-Сұлтанда көпірден суға секіріп кеткен 15 жастағы қызды 2 жігіт құтқарды

НҰР-СҰЛТАН. ҚазАқпарат – Елордада көпірден суға секіріп кеткен 15 жастағы қызды 2 жігіт құтқарды. Бұл жайында Нұр-Сұлтан қалалық төтенше жағдайлар департаментінен мәлім етті, деп хабарлайды ҚазАқпарат тілшісі.

Ұқсас жаңалықтар
Арыстанғали Заппаров Алматы облыстық ПД бастығы болып тағайындалды АҚШ жағалау күзеті Флорида маңында суға батқан қайықтағы 39 адамды іздеп жатыр Оңтүстік-Қытай теңізінде F-35 жойғыш ұшағы апатты жағдайда қонды

«24 қазан күні сағат 14-33-те Нұр-Сұлтан қалалық төтенше жағдайлар департаментінің жедел құтқару отрядының құтқарушылары «Атырау» көпірінен жасөспірім қыз баланың суға секіріп кеткендігі туралы хабарлама алып, оқиға орнына аттанды. Сол жерден өтіп бара жатқан екі адам баланың суға секіріп кеткенін көріп, іле-шала суға сүңгіген. Құтқарушылар жеткен кезде екі адам ес-түссіз жасөспірімді жағаға жеткізуге тырысып жатты. Құтқарушылар баланы қайыққа салып алып, алғашқы медициналық көмек көрсету үшін шұғыл жедел құтқару отрядының орталығына аттанды. Бақытына орай, 2006 жылы дүниеге келген қыз құтқарылды. Оқиға орнына Полиция департаменті мен жасөспірімнің ата-анасы шақырылды», - делінген ведомство баспасөз қызметі таратқан ақпаратта.

Сонымен қатар Нұр-Сұлтан қалалық төтенше жағдайлар департаменті жасөспірім қызды құтқару үшін өзенге іле-шала сүңгіген екі ер адамды іздеп жатыр.

Фото: instagram.com/eto_astana_detka
Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT