+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Нұр-Сұлтанда «Қазақстанның өңдеу өнеркәсібі апталығы» халықаралық көрмесі ашылды

2021 жылғы 22 қыркүйек 17:14
Бөлісіңіз:
Нұр-Сұлтанда «Қазақстанның өңдеу өнеркәсібі апталығы» халықаралық көрмесі ашылды

НҰР-СҰЛТАН. ҚазАқпарат - Бүгін Нұр-Сұлтанда «Қазақстанның өңдеу өнеркәсібі апталығы» халықаралық көрмесі ашылды, деп хабарлайды ҚазАқпарат ҚР Индустрия және инфрақұрылымдық даму минстрлігінің Telegram каналына сілтеме жасап.

Ұқсас жаңалықтар
Қазақстан ғалымдары жол құрылысына қолданылатын жаңа технология ойлап тапты Қызылордада жыл басынан бері өнеркәсіп кәсіпорындары 543 млрд. теңгенің өнімін өндірді

Жалпы 10 000 шаршы метр көрме алаңында Қазақстан Республикасы мен таяу шетелдердің индустриялық дамуы саласындағы жетістіктері ұсынылған. Қазақстан, Ресей, АҚШ, Жапония, Ұлыбритания, Швеция, Швейцария, Қытай, Дания, Беларусь, Польша, Чехия, Германияның 200-ден астам компаниялары машина жасау, тау-кен металлургия кешені, химия өнеркәсібі, ағаш өңдеу және жиһаз өнеркәсібі, құрылыс материалдары өндірісі және су индустриясы салаларындағы жаңа өнімдерін ұсынып отыр.

Қатысушылар қатарында SaryArkaAutoprom, Agromashholding, Hyundai Trans Kazakhstan, KazAzot, Tengizchevroil, Vericut, Mitutoyo, HEXAGONMI, ESAB, Grundfos Kazakhstan, QuantRobotics, Kazakhmys, Penetron-Kazakhstan, ArcelorMittal, Kulan OilKidel, Kilit OilTel, KSPC, Қазақстан электролиз зауыты, KELET, Алматы ауыр машина жасау зауыты, W&T Group және тағы басқалары бар.

Ұжымдық стендтер аясында Ресей Федерациясы аймақтарының кәсіпорындары да өз өнімдерін ұсынды: Свердлов облысы, Башқұртстан Республикасы, Удмурт Республикасы және Пенза облысы.

Жалпы бағдарлама аясында 30-дан астам іс -шаралар өткізіледі, оның ішінде компания басшыларының, жетекші өнеркәсіптік ойыншылардың, салалық қауымдастықтар мен мамандандырылған мемлекеттік мекемелердің қатысуымен панельдік талқылаулар, салалық конференциялар мен дөңгелек үстелдер жоспарланған. Талқылау өңдеуші секторды дамытудың өзекті мәселелеріне, мемлекеттік қолдау шараларына, жаһандық тенденциялар мен халықаралық ынтымақтастыққа бағытталған.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT