+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Нұр-Сұлтанда қар жинауға 2 мыңға жуық жұмысшы жұмылдырылған

2020 жылғы 28 қараша 18:02
Бөлісіңіз:
Нұр-Сұлтанда қар жинауға 2 мыңға жуық жұмысшы жұмылдырылған

НҰР-СҰЛТАН. ҚазАқпарат - Елордада қардың қалың түсуіне байланысты коммуналдық қызмет жұмысы күшейе түсті, деп хабарлайды ҚазАқпарат тілшісі.

Қазір көшелерді тазалауға 800-ден астам арнайы техника және екі мыңға жуық жұмысшы жұмылдырылған.

Әкімдіктің мәліметіне сенсек, Нұр-Сұлтан қаласында қар тазарту жұмыстары кешкі және түнгі уақытта, екі ауысымда жүргізіледі.

Сондай-ақ қар тазарту бағыттары да белгіленеді.

Бірінші кезекте ереже бойынша, кептеліс болмауы үшін, қозғалыс өте көп жерлер тазартылады.

Одан әрі орташа қозғалыс учаскелері – алаңдар, вокзал маңындағы аумақтар қардан тазартылады.

Қала жолдарының жаяу жүретін бөлігі тайғаққа қарсы материалдармен өңделеді, ол қар жауа бастағаннан себіледі.

Бірінші кезекте, көлік қозғалысы үшін ең қауіпті магистральдар мен көшелердің учаскелері - өр және еңіс жолдар, көпірлер, тоннельдер, көше қиылыстарындағы және қоғамдық көлік аялдамаларындағы тежеу алаңдары өңделеді.

Егер бірінші цикл аяқталғаннан кейін де қар жауа берсе, қажетті жұмыс қайталана береді.

Қар қаланың барлық аудандарында орналасқан 11 полигонға шығарылды. Қалада қар жинау 24/7 режимінде жүргізіледі.

Полигондарда бақылауға фото және бейнекамералар орнатылған.

Айта кетсек, өткен тәулікте қаладан 8 мың текше метр қар шығарылды.


Біздің каналымызға жазылыңыз:

Бөлісіңіз:

Автор:

Балнұр Қожагелді

Пікір қалдыру
+7
Жіберу
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT