+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Нұр-Сұлтанда Disneyland салынады

2019 жылғы 10 қазан 12:12
Бөлісіңіз:
Нұр-Сұлтанда Disneyland салынады

НҰР-СҰЛТАН. ҚазАқпарат – Нұр-Сұлтан қаласында Disneyland ойын-сауық паркін салу жоспарлануда. Бұл туралы Нұр-Сұлтан қаласы Инвестициялар және кәсіпкерлікті дамыту басқармасының басшысы Ерлан Бекмырзаев мәлім етті, деп хабарлайды ҚазАқпарат тілшісі.

Ұқсас жаңалықтар
Көлгінов: Елордалықтардың 700 мыңға жуығы – 35 жасқа дейінгі жастар

«Disneyland бойынша инвестор тарту үшін арнайы жер телімін қарастырып жатырмыз. Оны инфрақұрылыммен, сумен және электр қуатымен жабдықтау қажет. Жақын арада жер учаскесін және инвесторды анықтаймыз», - деді Е. Бекмырзаев елордада Бүкіләлемдік туристік ұйымның VIII жаһандық саммитінде.

Оның айтуынша, ойын-сауық нысаны парк ретінде салынады.

«Disneyland өз қаражатын ақтайтындай деңгейде салынуы тиіс. Жыл бойы жұмыс істеу үшін оны жабық парк ретінде ойланыстырған жөн. Бізде Қызылорда мен Шымкенттегідей ауа райы жоқ. Бірақ, инвестор келуі үшін жағдай жасау қажет», - деді басқарма басшысы.

Айта кетейік, елордада Бүкіләлемдік туристік ұйымның (UNWTO) қала туризміне қатысты VIII жаһандық саммиті басталды. Онда ақылды қалаларды дамыту арқылы қаланың өзекті мәселелерін шешу, қаланы басқару, тұрақты даму, инновациялар мен технологиялар тақырыптары талқыланбақ. Жиынға әлемнің 80 елінен 1400 қатысушы жиналды.

Шара барысында ҚР Үкіметінің басшысы Асқар Мамин Нұр-Сұлтан қаласын әлемнің ТОП-50 тартымды туристік бағытына енгізу көзделіп отырғанын атап өтті.

Ал Нұр-Сұлтан әкімі Алтай Көлгінов қаланың 1 миллионнан астам тұрғынының 700 мыңы 35 жасқа дейінгі жастар екенін айтты.

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT