+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Нұр-Сұлтанда бірінші кезеңде 100 әскери міндетті шақырылды

2020 жылғы 9 сәуір 08:42
Бөлісіңіз:
Нұр-Сұлтанда бірінші кезеңде 100 әскери міндетті шақырылды

НҰР-СҰЛТАН. ҚазАқпарат - ҚР Президенті Қасым-Жомарт Тоқаевтың жарлығына сәйкес елордада әскери міндеттілер тізімі құрылып, әскерге шақырылды. Бүгін елорда әкімі Алтай Көлгінов пен Қорғаныс министрінің бірінші орынбасары - ҚР ҚК Бас штабының бастығы Мұрат Бектанов әскери міндетті-еріктілермен кездесті, деп хабарлайды ҚазАқпарат қала әкімінің ресми сайтына сілтеме жасап.

Бірінші кезеңде 100 әскери міндетті шақырылды. Олардың барлығы - әскери міндетті волонтерлер. Қажет болған жағдайда олардың саны ұлғайтылады. Әскери міндеттілер қатарында-белгілі қазақстандық боксшы, «Көк тудың желбірегені» әнінің авторы және орындаушысы Ибрагим Ескендір де бар.

«Халық әрқашан шығармашылық адамдарын, спортшыларды қолдайды. Біз бұл қолдауды сезінеміз. Халқыма қызмет етуге дайынмын. Мен запастағы лейтенантпын, бокспен айналысатындықтан физикалық тұрғыда төзімдімін. Мемлекет басшысының әскери міндеттілерді арнаулы әскери жиынға шақыру туралы Жарлығын естігенде еш күмәнсіз бірден елордадағы әскери комиссариатқа келдім. Медициналық тексеруден өттім, қызметке дайынмын», - дейді Ибрагим Ескендір.

Қала әкімі Алтай Көлгінов атап өткендей, әскери міндеттілердің негізгі міндеттері -коронавирустық инфекцияның таралуына жол бермеу жөніндегі жедел штаб жұмысына қатысу, өткізу-бақылау бекеттерінде қызмет атқару, қала аумағына дезинфекция жүргізу, инфекция ошақтары анықталған нысандарды күзету.

Әскери міндеттілер тамақпен, киім-кешекпен, сондай-ақ еңбекақымен толықтай қамтамасыз етілді.



Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT