Нұр-Сұлтанда 21 учаскеде шомылуға тыйым салынған
2022 жылғы 23 маусым 08:40

Нұр-Сұлтанда 21 учаскеде шомылуға тыйым салынған

НҰР-СҰЛТАН. ҚазАқпарат - Нұр-Сұлтанда су айдындарының 21 учаскесінде шомылуға тыйым салынған. Бұл туралы онлайн брифингіде қалалық Төтенше жағдайлар департаменті Азаматтық қорғаныс басқармасының бастығы Ратбек Демеуберген айтты, деп хабарлайды ҚазАқпарат.

Астанада шомылуға тыйым салынған 21 учаске бар. Олардың қатарында – Шұбар, Газмашаппаратура және Тельман тұрғын алабындағы, Триатлон паркі, Депутаттық қалашық маңындағы Есіл өзені, сондай-ақ Қарасу өзені, Ақбұлақ өзені, Нұра-Есіл арнасы және тағы басқасы бар.

Суға түсуге рұқсат етілген 3 учаске: «Орталық қалалық жағажай», «Три пескаря» және «Астаналық аула» демалыс аймақтары.

Сондай-ақ қазір Ш.Бейсекова көпірі жанындағы орналасқан коммуналдық жағажайға қатысты әкімдік қаулысына толықтыру енгізу жұмысы басталды.

Суға шомылу маусымы басталғалы құтқарушылар күшейтілген режимде жұмыс істеп жатыр. Алайда мамандар ұсынысына құлақ аспай, белгіленбеген жерде шомылу азаяр емес.

«Атқарылған жұмыстарға қарамастан, бүгінге дейін елорданың су айдындарында 3 адам суға кетті, оның үшеуі де – бала. Былтыр осы аралықта 2 адам суға кетіп, көз жұмды, оның ішінде біреуі – бала. Қаза болу фактілері суға шомылуға тыйым салынған және арнайы жабдықталмаған су айдыны аумағында тіркелген. 2022 жылы 4 адам құтқарылды. Алайда серуендеуге шыққандар құтқару қызметкерлерінің ескертуін елемей, оларға дауыс көтеріп, намысын таптайтындар, сол сияқты тыйым салу белгілері мен стендтерді бұзатындар бар», - деді Ратбек Демеуберген.


Ұқсас жаңалықтар
Алматыда шомылу маусымы басталғалы 14 адам құтқарылды
2022 жылғы 8 тамыз 05:24

Алматыда шомылу маусымы басталғалы 14 адам құтқарылды

АЛМАТЫ. ҚазАқпарат – Алматыда шомылу маусымы басталғалы 14 адам құтқарылды, деп хабарлайды ҚазАқпарат тілшісі.

Алматы қаласы Төтенше жағдайлар департаментінің мәліметінше, маусым айында қаланың рұқсат етілмеген жерлерінде шомылғаны үшін 15 адам әкімшілік жауапкершілікке тартылды.

Алкогольді ішімдіктер ішкені немесе мас күйінде қоғамдық орынға шыққаны үшін 38 адамға, жалпы сомасы 291 мың теңгеге айыппұл салынды.

Сайран су қоймасында Әкімшілік құқық бұзушылық туралы кодекстің 412-бабы («Су айдындарындағы қауіпсіздік ережелерін бұзу немесе орындамау») бойынша ТЖД қызметкерлері әкімшілік хаттама толтырып, 3 адамға айыппұл салды.

«Алматыда шомылу маусымы басталғаннан бері Сайран көлінде 11 адам құтқарылды, оның ішінде 2 бала бар (2021 жылы 11 адам, оның ішінде 4 бала құтқарылған болатын).

Еске салсақ, 2021 жылы жаз мезгілінде су айдындарында шомылуға тыйым салынған орындарда 4 адам, оның ішінде бір жасөспірім суға батып кеткен болатын»,- делінеді ТЖД хабарламасында.

Осы орайда қалалық Төтенше жағдайлар департаменті қала тұрғындары мен қонақтарын суға түсу ережелерін бұзбауға, рұқсат етілген жағажайларда ғана шомылуға шақырды.

Айта кетейік, қазіргі уақытта қалалық Төтенше жағдайлар департаменті, Республикалық жедел құтқару жасағының қызметкерлері жергілікті полиция қызметі, Ұлттық ұлан және еріктілермен бірлесіп, су айдындарында патрульдеу және рейдтік іс-шаралар жүргізуде.


Астанада шомылу маусымы басталғалы 4 бала суға кетті
2022 жылғы 1 тамыз 10:54

Астанада шомылу маусымы басталғалы 4 бала суға кетті

НҰР-СҰЛТАН. ҚазАқпарат – Нұр-Сұлтан қаласының аумағында шомылу кезеңі басталғалы кәмелетке толмаған 4 бала суға батып кетті, деп хабарлайды ҚазАқпарат Полиция департаментінің баспасөз қызметіне сілтеме жасап.

«Суға шомылу маусымы басталғаннан бері суға батқан адамдар саны артып отыр. Оның ішінде, әсіресе, балалармен болатын қайғылы жағдайлар бар. Суға шомылу кезіндегі қарапайым қауіпсіздік ережелерін балалардың бірі білсе, бірі біле бермейді. Білсе де дұрыс сақтамайды. Балалар тұрмақ, үлкендердің өзі қауіпсіздік ережелеріне аса қатты мән бере бермейтін жағдайлар кездеседі. Соның салдарынан әртүрлі оқыс жағдайлар болады. Елорда аумағында шомылу кезеңі басталғалы бері кәмелетке толмаған 4 бала суға кетіп қаза болды», - деді полициядан.

Ведомство баспасөз қызметінен атап өткендей, балалардың ересектер қадағалауынсыз және белгіленбеген орындарда шомылуына жол бермеу керек.


Jańalyqtar

Үрдіс

MURAǴAT