+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Нұр-Сұлтанда 11 автобустың қозғалыс бағыты өзгереді

2020 жылғы 27 ақпан 17:20
Бөлісіңіз:
Нұр-Сұлтанда 11 автобустың қозғалыс бағыты өзгереді

НҰР-СҰЛТАН. ҚазАқпарат – Елордада 11 қоғамдық көліктің бағытына өзгеріс енгізілмек, деп хабарлайды ҚазАқпарат тілшісі.

«Бағдар жүйесін жаңартуға қатысты айтар болсақ, биыл бірқатар ұсыныс бердік. Соның бірі – бағдар схемаларын туралау. Өздеріңіз білетіндей кейбір автобус көшелерді айналып барып қозғалады. Мәселен №12 автобустың бағдарында сондай сипат бар. Ол қоғамдық көлік Қабанбай көшесімен келе жатып, Тұран даңғылына түсу үшін Министрліктер үйін айналып барады. Осы жағдай жолаушылардың біразының көңілінен шықпай жүр. Сол себепті аталған бағдардың қозғалысын туралау туралы ұсыныс бердік. Осылайша қозғалыс уақыты да, интервалы да қысқарады», - деді CTS компаниясы басшысының орынбасары Бауыржан Сейітов «Елордадағы қоғамдық көлік кешенін дамыту: кеше, бүгін, ертең» атты көрме-конференциясында.

Оның айтуынша, №12 автобуспен қатар, қаладағы дәл осындай 11 қоғамдық көліктің қозғалысына өзгеріс енгізілмек. Олар: № 2, 7, 18, 33, 40, 46, 51, 52, 61 және 81-бағдарлар.

Еске сала кетсек, бүгінгі көрме-конференция барысында CTS компаниясының басшысы Бекмырза Игенбердинов елордада кәмелетке толмаған балалар қалаішілік қоғамдық көлікпен тегін жүретінін хабарлаған еді. Сонымен қатар халықтың алты санатына кіретін азаматтарға қала маңы бағдары бойынша қоғамдық көлік тегін болады. Ол алты санаттың ішіне зейнеткерлер, мүгедектер, ҰОС ардагерлер, мүгедектерді алып жүрген адамдар, көпбалалы аналар және көпбалалы отбасылардың мүшелері кіреді.


Біздің каналымызға жазылыңыз:

Басты сөздер: Нұр-Сұлтан, Қоғам,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT