Нұр-Сұлтан полициясы ерекше жұмыс тәртібіне көшті

НҰР-СҰЛТАН. ҚазАқпарат - Елордалық полиция қызметкерлері 5 шілдеде эпидемиологиялық жағдайды тұрақтандыру шаралары енгізілуіне байланысты қызметтің ерекше тәртібіне көшті. Бұл жөнінде қала әкімдігінің ресми сайтына сілтеме жасап ҚазАқпарат хабарлайды.

Ұқсас жаңалықтар

Түркістандық полицейлер боранда жолда қалған азаматтарға көмек беруде

Ақмола облысында полиция 9 сағат жолда қалған қостанайлықтарға көмектесті Көлік полицейлері жолаушылардың мазасын алған жүргізушілерді жауапқа тартып жатыр Желіде полицияға шабуылдаған ер адамның видеосы қызу талқыланып жатыр

Тәртіп сақшылары қала көшелерін патрульдеуде. Патрульдік бағыттар барлық учаскелерді қамтитындай етіп жасалған. Полиция тұрғын үй аумақтарын, сондай-ақ халық көп жиналатын жерлерді аралауда.

Сонымен қатар олар халыққа түсіндіру жұмыстарын жүргізіп, карантин тәртібін бұзушылықтарды анықтайды. Эпидемиологиялық жағдайдың күрделене түскенін ескере отырып, Мемлекеттік комиссия 5 шілдеден бастап елде 14 күнге шектеу шараларын енгізуді ұйғарды.

Эпидемиологиялық жағдайдың одан әрі дамуына байланысты шектеу шаралары ұзартылуы немесе күшейтілуі мүмкін.

«Қала тұрғындары карантин ережелерін қатаң сақтап, барлық қауіпсіздік шараларын ұстануы керек: маска тағып, әлеуметтік қашықтық сақтап, антисептик қолдануы тиіс. 65 жастан асқан адамдарға қала бойынша қозғалыс шектелген. Өзіңіздің және жақындарыңыздың денсаулығына жауапкершілікпен қараңыз» деп атап өтті полиция.