+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Нұр-Сұлтан мен Алматыны жалғайтын автожолдың 60% салынды

2021 жылғы 25 шілде 21:50
Бөлісіңіз:
Нұр-Сұлтан мен Алматыны жалғайтын автожолдың 60% салынды

БАЛҚАШ. ҚазАқпарат – Елорда мен Алматы қаласының арасын жалғайтын тасжол құрылысы қарқынды жүріп жатыр, деп хабарлайды ҚазАқпарат тілшісі.

Ұқсас жаңалықтар
Елімізде жол мәселесі қалай шешіліп жатыр «Алтын орда» базары маңындағы автожол қарашада толық пайдалануға беріледі СҚО-да алдағы төрт жылда 2 мың шақырымнан астам жол жөнделеді

«Нұрлы жол» мемлекеттік бағдарламасы аясында бүгінде «Орталық-Оңтүстік» дәлізі салынып жатыр. Бұл жол елорданы Алматы қаласымен жалғайды.

2019 жылы басталған жол құрылысы 6 учаскеден тұрады, оның ішінде 2 учаске, яғни «Нұр-Сұлтан-Теміртау» және «Алматы-Қапшағай» тас жолы салынып аяқталды. Қалған учаскелер бойынша жол құрылысы жұмыстары қызу жүріп жатыр. Тас жол бойында 4 жолақты, 10 жолайырық, 55 малға арналған өткел, 10-ға жуық көпір және 2 темір жол өткелі болады. Жоспар бойынша жоба 2023 жылы аяқталып, халық игілігіне берілуі тиіс» , - деді «QazAvtoJol» ұлттық компаниясы АҚ басқарма төрағасының орынбасары Талғат Смағұлов баспасөз туры барысында.

Оның айтуынша, тасжол құрылысына тек қана отандық материалдар қолданылып жатыр.

«Тасжолдың жалпы ұзындығы - 946 шақырым. Ол дегеніміз - «Қарағанды- Балқаш», «Балқаш-Бурылбайтал», «Бурылбайтал- Құрты», «Құрты-Қапшағай» трассаларын жалғайтын жол учаскелері. Сондай-ақ, тас жол бойында инфрақұрылымды жайғастыру жұмысы да жүріп жатыр. Бүгінде жол салу жұмысының 60% -ы аяқталды. Яғни әрбір 50-60 шақырым сайын жылы-жайлы әжетхана мен жолаушыларға арналған демалыс орындары. - дейді ол.

Бұған дейін Қазақстанда жолдың салыну барысын бақылайтын жаңа жүйе енгізіліп жатқанын хабарлаған болатынбыз.

Сондай-ақ, «QazAvtoJol» ұлттық компаниясы АҚ ақылы автомобиль жолдары бөлімінің басшысы Арман Ещанов еліміздегі ақылы болатын жаңа жол бағыттары туралы айтты.

Айта кетейік, «QazAvtoJol» ұлттық компаниясы АҚ «Орталық-Оңтүстік» бағытындағы Нұр-Сұлтан – Қарағанды – Балқаш - Приозерск – Бурылбайтал - Шу – Алматы аймақтарындағы жолдардың салыну барысын таныстырып, көрсету мақсатында баспасөз турын ұйымдастырды.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT