+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

«Нұр-Сұлтан – Қарағанды» трассасында бетонды бөгеттер не үшін қойылып жатыр

2020 жылғы 19 қазан 15:43
Бөлісіңіз:
«Нұр-Сұлтан – Қарағанды» трассасында бетонды бөгеттер не үшін қойылып жатыр

ҚАРАҒАНДЫ. ҚазАқпарат – Әлеуметтік желілерде халықты дүрліктірген видеоға қатысты Қарағанды облысының әкімдігі түсінік берді, деп хабарлайды ҚазАқпарат тілшісі.

Әлеуметтік желілерде пайдаланушылар Нұр-Сұлтан – Қарағанды қалалары арасындағы трассада қойылған бетон бөгеттерге қатысты видеоны қызу талқылауда. Халық бұл блоктар Қарағанды облысында қайтадан қатаң карантиндік шектеулер болатынын айтып, болжам жасауда. Алайда, облыс әкімдігінің баспасөз қызметі бұл қауесетті жоққа шығарды.

«19 қазаннан бастап өңір бойынша санитарлық бекеттер жұмыс істей бастады. Олардың жалпы саны - сегіз. Аталмыш бекеттерде дәрігерлер мен полиция қызметкерлері жұмыс істейді. Тексеру барысында сауалнама жүргізіліп, термометрия жүзеге асырылады. Бұл - блокпостар емес», - деп түсіндірді Қарағанды облысының әкімдігінде.

Еске салсақ, санитарлық бекеттер Жезқазған, Приозерск, Ұлытау, Нұра, Бұқар Жырау, Қарқаралы, Осакаров аудандарында орнатылды.

Қазіргі уақытта облыстың карантинге жабылуы туралы ақпарат жоқ. Егер жүргізуші мен жолаушылардың дені сау болса, санитарлық бекеттер жол жүруге кедергі етпейді.


Фото: stopfake.kz
Біздің каналымызға жазылыңыз:

Бөлісіңіз:

Автор:

Агата Мухамеджанова

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT