+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

«Nur Otan» Қарағандыдағы онкологиялық орталықтың құрылысын бақылауға алады

2019 жылғы 20 қыркүйек 21:10
Бөлісіңіз:
«Nur Otan» Қарағандыдағы онкологиялық орталықтың құрылысын бақылауға алады

ҚАРАҒАНДЫ. ҚазАқпарат «Nur Otan» партиясы Төрағасының бірінші орынбасары Бауыржан Байбек Қарағанды облысына жұмыс сапары барысында аймақтағы бастауыш партия ұйымдарының өкілдерімен кездесті, деп хабарлайды ҚазАқпарат.

Ұқсас жаңалықтар
Асқар Мамин астанадағы Ұлттық ғылыми онкологиялық орталықтың құрылысымен танысты

Сондай-ақ, ол облыстық онкологиялық диспансерде болып, орталыққа бүгінде ота және жансақтау бөліміне арналған жаңа ғимараттың қажеттілігіне көз жеткізді.

«Әлемде онкологиялық аурудан жыл сайын 10 млн-ға дейін адам көз жұмады. Денсаулық сақтау министрлігінің мәліметі бойынша, Қазақстанда бұл көрсеткіш 15 мыңға жуықтайды. Бұл кеселден қаншама отандасымыз туыстары мен жақындарын жоғалтып, тағдыр тауқыметі мен қасірет шегуде. Сондықтан бізге заманауи медициналық технологияларды енгізіп, білікті мамандар даярлап, тиісті инфрақұрылым қалыптастыру қажет. Қатерлі дерт кесірінен көз жұматындар санын азайтуға, ал аурудың бастапқы сатыларында құлан таза айығуға болады», - деді Бауыржан Байбек.

«Nur Otan» партиясы Төрағасының бірінші орынбасары Бауыржан Байбек ота және жансақтау бөліміне арнап жаңа ғимарат салу науқастардың кезек күту мерзімін 10 күннен 1 күнге қысқартып қана қоймай, жасалатын ота санын жылына 20 мыңға арттыруға, яғни қаншама адамның өмірін сақтап қалуға мүмкіндік беретінін айтты.

«Мұнда жыл сайын еліміздің 6 аймағынан келген 10 мыңнан аса адам ем қабылдайды. Алайда, ғимараттың тарлығы науқастардың барлығына бірдей толыққанды қызмет көрсетуге қол байлау болып келеді. Бүгінде құрылысты қаржыландыру мәселесі басы ашық күйінде қалып отыр. «Nur Otan» аталған жобаның қаржыландырылуын қолдайды. Сонымен бірге, құрылыс жұмыстарымен қатар көрсетілетін қызмет сапасына да қатаң түрде партиялық бақылау жүргізіледі», - деді Бауыржан Байбек.

Осы күні «Nur Otan»-ның облыстық филиалының кезектен тыс конференциясы өтті. Онда партияның облыстық филиалының төрағасы болып Қарағанды облысының әкімі Жеңіс Қасымбек сайланды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT